Populære bibelvers fra Jn 16

Del

Tkyaqil ja'lu nxi' nma'n kyeye' tu'n tqexi'x kk'u'je' wi'je' ex tu'n lalun tz'el kypa'n kyib'e' wi'je'. Kuwqexe' twitz tx'otx' ajttzaj yajb'il kyi'je'; qu'n tkyaqilju' myab'a'n twitz tx'otx' oje kub'ti'j wu'ne', chi Jesus b'aj tma'n kye t-xnaq'tzb'en.

Ajtzun tulju' Xewb'aj te axxi'x, ate kẍaqlulkyeye' toju' ax; qu'n lay yolinte tu'nxtib', ate' ktmaju' aju' k'okyel tb'i'n te Dyos ex ate kyek'ulte kyeye' tkyaqilju' tzul kyi'je'.

Na'mx txi' kqani'n jun ti'xtiye' toj nb'iye'; kqaninxe' ex tzul q'o'nte', tu'ntzun ktzalaje' nimxi'x.

Ex axxi'x kxe'l nma'n kyeye': b'a'n k'elila' kyeye' qama chinxe'. Qu'n qa min ẍinxe' lay tzulju' Kolol kyuk'i'le'; qatzun machinxe', tzultzun nchq'o'ntze' kyk'i'le'. Ajtzun tul, ktzajel tyek'u'n chik'lixi'x kwitz xjal qa alkye aj il, alkye mya aj il ex alkye kb'el tz'e'ysa'n twitz tu'n Dyos.

Ikxtzunkyeju'ye' ja'lo nche b'isune'; ajtzun tanjtz jumajtl wi'je', kjawil tzalaj jumajtl kyanmiye' ex mix-a'lox k'elel q'inte tzalajb'il lu toj kyanmiye'. Ajtzun tponju' tq'ijlalil lu, lay tzaj kqani'n juntl ti'xtiye' weye'. Axxi'x kxe'l nma'n kyeye' qa kxe'l q'onte' kyeye' tu'n Nmane' tkyaqilju' kxe'l kqani'ne' te toj nb'iye'.

Axxi'x kxe'l nma'n kyeye' qa che oq'ile' ex che b'isule', aye'tzunkye' xjal te tkyaqil twitz tx'otx' che jawil tzalaj. Aye'tzunkye' maskye mache b'isune', kjawil b'entte' kb'ise' te tzalajb'il.