Populære bibelvers fra Gn 21

Del

Japun tyol Qman Dyos kse'nxju' ojetoq tzaj tma'n te Sara

Tzaj b'i'n k'wal tu'n Qman Dyos tej intoq oq', tzaj yolintzun jun tanjltzu' tzmax toj kya'j ex tma te Akar: ¿Titi' iniq'ina Akar? Lalun xob'a, qu'n matzajtb'i'nte Dyos k'wal noq' jata'. Qu'mtzun kutxi'ya tk'etzju' q'a, ex xkonxju'ya tq'ob', qu'n knb'incha'ye' tu'n tb'ent jun nintnam nimxi'x kyu'n tyajajil, chij te.

qu'mtzun ok Sara ch'onwi', itz'ji jun kyk'wal tuk'i'l Ab'raam toj kytijil. Itz'jiju' k'wal tojxi'xju' tq'ijlalil kse'nx tma Qman Dyos kye.

Atzunte Sara kub' t-xima'n: Ja'lo nchin tze'ne' tu'n Qman Dyos, kykyaqiltzunloju' che b'ilte qa matxi' tz'itz'ji jun wale', che tze'l wuk'i'le'.

Atzunte Qman Dyos tzaj tma'n te Ab'raam: Lalun b'isuna ti'ju' tal q'a ex ti'j Akar ju' tmajena. B'inchama tkyaqilju' ntma'n Sara teya, qu'n ti'j te Isaak che elela' tyajajila.

Ex knb'incha'ye' tu'n tb'ent jun nintnam nimxi'x tu'n tyajajil Ismael talu' tmajena lq'o'n tu'na, qu'n tk'walna'ya, chi Dyos te.