Populære bibelvers fra Ex 32

Del

Tetzunj kyka'yinte aj Israel numin tu'n tkb'u'l Moyses twi' witz, b'jo'k kyb'u'yi'n kyib' ti'j Aaron, xikyma'ntzuntz te: —Kuwxa b'inchanku'ya jun qdyos tu'n qok lpe ti'j, qu'n numinte Moyses setz q'inqe Ejipt, titi'lo xb'ajtelo, chechij.

Atzunte Qman Dyos tma te Moyses: —Lwix ku'xa, qu'n matxi' che kub' tzpetju' ttanama setz tiq'i'na Ejipt. Lwiyxi'x sel kypa'n kyib' ti'ju' b'e xinyek'u'ne' kye. Matxi' kub' kyb'incha'n jun tilb'ilal qpoj tman wakx q'anpwaq nche k'ulun te ex nkub' kyq'o'n chojb'il twitz; ex nkyma'n: ¡Aj Israel, luju' qdyos setz q'inqe Ejipt! chechij, chi Dyos.

Tetzunj tka'yinte Aaron ja'lu, jawtb'incha'n jun q'olb'eb'l twitzju' tilb'ilal wakx, jaw tma'ntzuntz kuw: —¡Kb'el qik'sa'n jun ninq'ij te ninb'ilte qdyos nachi'j! chij. Tetzun juntl q'ij b'a'n prim eb'jaw we' ex kub' kq'o'n e'chojb'il, ex chojb'il k'ok'j tz'e'ysa'n te mujb'ab'ltib'il. E'kub' qetzuntz wal ex k'wal, ex eb'aj tx'ojti. E' b'jaw we'tzuntz b'ixil ex achul.

Tetzu'n juntl q'ij xitma'n Moyses kye xjal: —Jun nimaq il te' xkyb'inchaye' twitz Qman Dyos, qu'mtzun chin jawixe' twi' witz, jata' Qman Dyos, kub'sal qa makub'tnajsa'n kyile', chij.