Populære bibelvers fra Ex 16

Del

Intoq kyma'n kye: —¡Maswitlo b'a'n xqo' kyime' toj Ejipt tu'n Qman Dyos! Qu'n ate' chix intoq qokub' qeye' wal b'a'nxi'x ti'j junjun k'wil chib'j, aye'tzunkye' maqotzaj kyi'ne' toj chq'ajlaj naq tu'n qkyime' tu'n we'yaj qkyaqile', chechij. Tzajtzun tma'n Qman Dyos te Moyses: —Ktzajel nq'o'ne' kywa twitz kya'j kse'n jb'al. Kykyaqiltzu'n xjal che elix b'uyilte atl junjun q'ij, o'kx kjawil kyb'u'yi'nju' kb'ajel kyu'n te junjun q'ij. Qu'n wajb'ile' tu'n nka'yinteye' alkye kxe'l nimanteju' nchaq'b'ile' ex alkye lay txitnima'n.

Kykyaqiltzunju' xjal e'jaw wulj ti'j Moyses ex ti'j Aaron toj chq'ajlaj.

Xitma'ntl Moyses kye: —Ktzajel q'o'n kychi'ye' teju' qale ja'lo tu'n Qman Dyos, ex ktzajel tq'o'n kywaye' nim te prim, qu'n matxi' tb'i Qman Dyos nche yoline' myab'a'n ti'j. ¿Alkyeqo'tzune' toj kywitze'? Mya qi'jqe' nche wulina'ye', ti'jku'te' Qman Dyos nche wulina'ye', chij.

—Matxi' nb'iju'ye' nkywuljne'n aj Israel. Yolintzuna kyuk'i'l ex q'manxa kye: Che ch'yol chib'je' ajtok qale, atzu'n te prim che wal wab'je' ex che nojele' b'a'nxi'x. K'eleltzun kyniky'tze' qa ayine' Dyos Manb'aj Kydyose'.