Populære bibelvers fra Ex 11

Del

Tzaj tma'ntl Qman Dyos te Moyses: —Atix juntl yajb'il wu'ne' tib'aju' nimaqkawil ex kyib'aj aj Ejipt. Tib'ajxi'tzun ja'lu, myanoq o'kx che xe'ltzaqpi'ne' tu'n nimaqkawil. Qu'n aku'pe' k'eletz xla'jankyeye'.

che kyimelju' tnejel k'wa'lb'aj tojile kyja aj Ejipt, ktzajelx nej wu'ne' ti'j tnejel tk'wal nimaqkawil ju' nkawin, ex kpomil b'aj ti'j tnejel talju' qya majin naq'unan ti'j ab'j cheb'l triy. Ex ikx che kyimelju' tnejel kyal alu'mj. Kb'ajel oq'e'n ex sich' toj tkyaqil Ejipt tu'n k'ixk'oj, aj b'ajx tzik'a' junmaj ex lay b'aj jumajtl ikju', chi Dyos.

Tzaj tma'ntl Qman Dyos te Moyses: —Che kxe'lxi' b'i'nkye' tu'n nimaqkawil tzmaxi'j ajkyb'inchet txqantl techlal wu'ne' toj Ejipt, chij.