Tayta Diosmi chawpikipi tarikun,
payqa Tukuy Atiyniyuqmi, salvaykusunkim.
Señorqa anchatam qamrayku kusikunqa.
Kuyakuyninwanmi musoq kawsayta qosunki,
qamraykum kusikuspan takinqa”, nispanku.

Chay tiempopim huñumuspa kutichimusqaykichik,
hinaspaymi kay pachapi lliwpa reqsisqantaña,
chaynataq lliwpa respetanantaña ruwasqaykichik.
Chaynataqa ruwasqaykichik,
preso risqaykichikmanta kutichimuspaymi.
Ñoqa Tayta Diosmi chaynata nini.

Tayta Diosmi castigasunaykipaq rimarisqanta suchurachin,
enemigoykikunatam qarqorun.
Israel llaqta, reyniki Tayta Diosmi chawpikipi tarikun,
manañam imamantapas manchakunkiñachu.

Chay tiempopim
lliw ñakarichisuqnikikunata ñakarichisaq,
wistu ovejakunatam salvaykusaq,
chinkaqtapas maskamuspaymi huñumusaq.
Penqaypi kaynikitam reqsisqa kaymanwan pipapas alabananmanña tikrarusaq.

Populære bibelvers fra Sofonías 3Del

Populære bibelvers fra Sofonías 3