Populære bibelvers fra Nm 14

Del

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Li Qaawa' jwal timil najosq'o'k ut q'axal nim xchaab'ilal li xch'ool. Naxkuy li maa'usilal ut li q'etq'etil, us ta ink'a' naxkanab'eb' yal chi jo'kan li wankeb' xmaak, naxk'e b'an chi xtojb'al rix xmaak li yuwa'b'ej sa' xb'eeneb' li alal k'ajolb'ej toj sa' li rox ut xka xteepal riyajil li tenamit.

Wi li Qaawa' narusila qu, tooxk'am sa' li na'ajej a'an ut tixq'axtesi qe. Xq'emal tz'aqal li ch'och' a'an.

A'ut laj Kaleb aj k'anjel chiwu, jalan wi' li xna'leb' chiruheb' a'an, ut xinxpaab' chi tz'aqal re ru. Jo'kan naq taa'ok sa' li na'ajej li xo'ril chaq, ut eb' li ralal xk'ajol te'eechaninq re li ch'och' a'an.

Ye b'i' reheb': «Sa' xk'ab'a' xloq'al linyu'am, tinb'aanu eere jo' chanru xwab'i naq xeye laa'ex, chan li Qaawa'.

Ut li Qaawa' kixye re laj Moisés: “Jo' najtil chik tinkuy lintz'eqtaanankil xb'aaneb' li tenamit a'in? Jo' najtil chik ink'a' tine'xpaab', us ta naab'aleb' li sachb'ach'oolej inb'aanuhom sa' xyanqeb'?

Chixjunileb' laj Israel ke'xwech' rix laj Moisés ut laj Aharón, ut ke'xye reheb': “Q'axal us raj xookamk chaq Ejiipt! K'a'ut naq ink'a' xookamk sa' li chaqich'och'?

Ut laj Josué, ralal laj Nun, rochb'een laj Kaleb, ralal laj Jefuné, (a'aneb' xkomoneb' li ke'wulak chaq chi rilb'al li na'ajej Kanahán) ke'xq'ich li raq'eb' ut ke'xye reheb' chixjunil li xkomonileb' laj Israel: “Li ch'och' xqab'eeni ut xo'qil chaq, a'an jwal xq'emal ch'och'.

Ab'anan, relik chi yaal naq yo'yookin ut linloq'al naxnujob'resi li ruuchich'och', tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux, te'ril li na'ajej inyeechi'om rik'in jurament reheb' li xna' xyuwa'eb'. Maajun reheb' li xe'tz'eqtaanank we te'ril a'an.