Populære bibelvers fra Ex 8

Del

Jo'kan ajwi' ke'xyal eb' laj q'e rik'in li xna'leb'eb' re naq te'elq li suq, ab'an ink'a' ke'ruuk: neke'woye'k li winq ut eb' li xul xb'aaneb' li suq. Toja' naq eb' laj q'e ke'xye re laj Parahón: “A'an a'in li ru'uj ruq' li Yos!”, chankeb'. Ab'an kikawuuk xch'ool laj Parahón ut ink'a' kirab'iheb', kama' yeeb'il chaq xb'aan li Qaawa'.

Kixye li Qaawa' re laj Moisés: “Ayu rik'in laj Parahón chi xyeeb'al re: «Jo'ka'in naxye li Qaawa': Kanab'eb' chi elk lintenamit re naq tinxloq'oni.

Ab'an naq laj Parahón kiril naq ak xnume'k li rahilal, kixkawub'resi xch'ool ut ink'a' kirab'iheb' laj Moisés ut laj Aharón, kama' yeeb'il chaq xb'aan li Qaawa'.

Wi ink'a' taakanab'eb' chi elk, tinrahob'tesi rik'in amoch chixjunil laatenamit.

Kixye li Qaawa' re laj Moisés: “Taaye re laj Aharón: «Ye' laaxuq' ut taasak' li pojtz' sa' xb'een li ch'och', ut a'an taasutq'iiq chi suqil sa' xsutam Ejiipt»”.

Ut jo'kan kixb'aanu li Qaawa': neke'woyoynak li k'iila kas sa' rochoch laj Parahón ut sa' rochocheb' laj k'anjel chiru, sa' xsutam Ejiipt. Ra kixk'ul chixjunil li na'ajej xb'aaneb' li kas.