Populære bibelvers fra Gálatas 4

Del

E uwari'che, ruma oj chi ralc'o'al ri Dios, Rire xutak lo ri Ruxlabixel Ruc'ajol chupa ri kanima'; y ruma c'u ri Ruxlabixel, utz cakabi'ij che ri Dios: «¡Tat, Lal Nukaw!» cojcha'. E uwari'che na lal ta chi pacha' jun aj chac c'o puk'ab juna patrón, ma wo'ora lal ralc'o'al ri Dios. Y ruma lal ralc'o'al, Rire cuya na che'la janipa ri ubi'tisim chique ri ralc'o'al.

No'j echiri' xopon ruk'ijol cha'tal chi lo ruma ri Dios, Rire xutak lo Ruc'ajol, ri xalax ruma jun ixok y xalax chuxe' ri takanic re ri Tzij Pixab tz'ibital can ruma ri Moisés. Rire xc'unic cha' cojucolobej ri oj c'o chuxe' wa takanic, y jec'ula' coju'ana oj ralc'o'al ri Dios.

Ec'u wo'ora eta'am chi alak uwach ri Dios, o ri más jusuc' ubi'xiquil e “ralak eta'matal chi wach alak ruma ri Dios”. ¿Sa' c'u ube ri' caya tanchi ib alak chuxe' tak ri takanic na il ta uwach y na jinta uchac?