Populære bibelvers fra Gálatas 2

Del

Jec'ula', ri nuc'aslemal na we'in ta chic, ma e re ri Kanimajawal Jesucristo. E pacha' xincam chwa ri cruz junam ruc' ri Cristo. Wo'ora che ri nuc'aslem, ronoje ri can'ano e ruma ri cubulibal nuc'u'x ruc' Ruc'ajol ri Dios, ri lic c'ax xinuna'o y xuya rib pa camic wuma ri'in.

Na cuaj ta c'ut canc'ak bi uk'ij ri unimal rutzil uc'u'x ri Dios; ma we ta c'o junok curiko cu'an jusuc' che rib chwach ri Dios ruma utakem ri tzij pixab, ri' na jinta cutikoj rucamic ri Cristo.

Ri oj aj judi'ab, chwi kalaxic lok, na oj ta aj palajiy tzij pacha' ri jujun chic tinamit na jinta Rutzij Upixab ri Dios cuc'. Na ruc' ta c'u ri', keta'am na jinta junok cu'an jusuc' che rib ruma cutakej ri takanic que raj judi'ab; ma ri lic chirajawaxic wi e ri cubulibal c'u'xaj ruc' ri Kanimajawal Jesucristo. E uwari'che ri'oj xkacoj rubi' cha' jela' Rire cu'an jusuc' chike xew ruma ri cubulibal kac'u'x ruc' y na ruma ta ri cakatakej juna tzij pixab. Ma na jinta junok cu'an jusuc' che rib ruma cutakej ri takanic que raj judi'ab.