Populære bibelvers fra Mat 12

Del

Re' hin i nuq'or taq aweh chi chu'nchel i q'orik xama' xta rutiq wach inkiq'or i tinamit, inkaaj ma' nkaaj naa kiq'asam chuwach i Dios na' chureq ruq'ijil i q'ataj q'orik, ruum ruuk' i chib'ih xaq'or chib'ih xa a'n, naa ruq'atam i q'orik cha naah i Dios. Eh ruuk' re', naa ruq'orom aweh mi ma' xta amahk oon wilik amahk, inki.

Re' taq i hat, je' taq akab' i aaq' ma' holohik ta taq ana'ojb'al Je' re' noq, ma' holohik ta taq ti q'orik, ruum re' i ruq'or ruuk' chii' i ju'jun, paránima wilik chaloq.

Eh re' atoob'laj winaq re' taqe holohik i ruq'or, ruum holohik wilik cho paránima. Eh re' yiib' wach runa'ojb'al re' taqe i yiib' wach i ruq'or, ruum re' yiib' wach wilik cho paránima.

Ruum aj re', i nuq'or taq aweh chi re' taqe i tinamit, neenkuyarik chu'nchel i kimahk ruum i Dios, je' wo' chu'nchel i yiib' wach q'orik inkiq'or. Raaj wila' xkib'aj i Santolaj Uxlab'al, ma' jaruuj naa rukuyariik i kimahk.

Chakoj taq rehtaal chi re' chee' ma' xta ruyab'ilaal, ma' q'aah ta paam i ruwachuj. Eh wila' re' chee' wilik ruyab'ilaal, q'aah paam i ruwachuj. Je' re' noq re' chee', re' wach ink'uhtanik reh chib'ih rub'anam.