Populære bibelvers fra Gen 8

Del

Eh noq xponik ruuk' i QaJaaw Dios i ruxlaab' i mayiij re' re' suq xub'an reh, je' wili i xuq'or: Re' hin ma' jaruuj chik naa nuye'em panti' k'axik i wach ak'al xa kuum i tinamit. Re' i wili xnub'an, ruum chi nimaq chi kok' taq kib'anik reh i yiib' wach na'ojb'al, eh ma' naa ta chik nusacham kiwach i wilik kik'achariik. Eh nik' pa' chik najtiil naa ruwihiik i wach ak'al, naa rub'aan i tik, naa rub'aan i jach, naa ruwihiik i tz'a', naa ruwihiik i k'uxik. Eh naa ruwihiik iq'ilej, naa ruwihiik i siq'jil, naa ruwihiik i saqum, eh naa ruwihiik i q'equm, inki QaJaaw Dios.

Re' Noé xuyejaa' jinaj i artaal tusuj ab'aj loq'oomb'al reh i QaJaaw Dios. Eh ju'jun i chikop xuk'am chaloq re' ruuk' i kik'uxarik. Xuk'am wo' chaloq i ju'jun i chikop, re' ruuk' i kirupinik pan taxaaj, xuk'at chinaah i artaal chi mayiij.

Re' QaJaaw Dios reht'al chi re' i Noé tz'aplik chupaam i kanowa paat ruch'ihil taqe i chikop. Ruum i re' xrik'saj jinaj i kowlaj teew chinaah i wach ak'al, eh re' ha' xanoq wo' xutoq'aa' qajik.

Eh re' paloma re' re' k'ahchi' chik rokiik i q'equm noq xsutinik wo' chik, chaloq jinaj i k'isa q'ab' i ruche'el olivo ruch'ihpeem chi ju' noq xsutinik chaloq. Ruuk' i re', xureq chi riij i Noé chi xchiqik chik i ha' chinaah i wach ak'al.