Populære bibelvers fra Gen 28

Del

Re' hin naa kaat wuch'ihleem, xa aha' pa' nee tiooj i k'oq naa kaat nucha'jeem. Eh naa wo' chik kaat nuk'amam cho chupaam i ye'aab' wili, ma' jaruuj naa kaat nukanaam cha wutkeel korehtaal i nub'an aha' wilik i nuq'orom aweh, i nuchjik paruwiriik.

Re' QaJaaw Dios wilik b'ila' cho ko chi ju' i ixkaleria, je' wili i xuq'or chaloq: Re' hin i raJaaw i ruDios i Abraham, re' aamaam, hin wo' ruDios i Isaac aawajaaw. Re' ye'aab' yokolkaat wii' naa nuye'em aweh i hat, eh naa wo' nuye'em keh awiih aamaam.

Eh noq xna'lojik reh i Jacob paruwiriik, je' wili i xuq'or: Xti korik chi re' QaJaaw Dios wilik chupaam i ye'aab' wili, eh re' hin ma' weht'al ta naq, inki.

Eh re' Jacob chupaam i ye'aab' re' re' wilik i xuq'or reh i QaJaaw Dios chi naa rub'anam, je' wili xuq'or: Re' Dios inuhch'ihlinik weh, re' i reh intoob'inik weh ruuk' i nub'eeh k'ahchi' kiin, re' reh inye'wik k'uxumb'alweh, je' wo' hoq i nuso'. Eh wila' xirusutej reje chi suq nuk'ux parupaat i wajaaw, reh chi nee nukoj chi manlik nuDios. Re' ab'aj xnulamaa' panak'al rehtalil chi re' ye'aab' wili ruye'aab' i Dios, inki. Eh je' wili i xuq'or reh i QaJaaw Dios: Re' hin naa nuye'em aweh i lajtaq naa wesam chinaah i ju'jun siento, inki.

Re' taqe awiih aamaam korehtaal kiponik chi je' kik'ihaal i saniib' wilkeeb' wach ak'al. Eh naakipuhk'aam kiib' chi korkiil i rookb'aal, i reelb'aal q'iij, pansak'aaj, pantz'eet reh rookb'aal q'iij. Awuum i hat, kuum awiih aamaam naakik'ulum i wotob'il i tinamit wilkeeb' sut wach ak'al.

Chupaam i ye'aab' re' re' wilik naq jinaj i ye'aab' Luz i rub'ihnaal, eh re' Jacob xujal wach i rub'ihnaal Bet-el chik i xukoj reh.