Populære bibelvers fra Dan 6

Del

Noq xrib'iraj i Daniel chi xelik ruq'orkiil chi naa rub'aan i k'uhb'aal re' re', xokik i koq paruwarb'al, xuteh taqe ru ventana wilik reje chi korkiil i Jerusaleem. Ar xu xuk'aa' riib' chub'aan i rutiij, chulooq'jiik i ruDios, eh oxpech i rub'an chuwach i q'iij, je' wo' rukab' i okrinaq wii'.

Re' i Dios xi ruko'leej ruum xutaq'aaj chaloq i ruánjel reh chi xutz'ap i kichii' taqe i kaq b'ahlam, reh chi ma' xinkik'ux taj, ruum chuwach i Dios ma' xta numahk, eh ni xata chawach i hat qajaaw reey wilik numahk, inki.

Re' hin i nutaq'aaj taq ruq'orariik aweh chi chupaam chu'nchel i tinamit nuchopom naah chayohleej, chayeew taq ruloq'il i ruDios i Daniel. Ruum re' reh i k'achlik Dios, eh wilik chi taaq'anik chi juneliik, eh re' rajaawriik ma' jaruuj naa rik'iik wach. Re' wo' hoq i Dios re' re' inko'linik, ineesanik panti' k'axik, eh rub'an taqe i ma' ilooj taj, i sachb'al k'uxliis pan taxaaj, je' wo' wach ak'al. Eh re' wo' reh xko'linik reh i Daniel i ma' xk'uxarik ta kuum i kaq b'ahlam, inki.

Je' aj re' noq re' reey Dario xutaq'aaj ruk'amariik i Daniel, je' wili i xuq'or reh: Re' taq naq aaDios i naa kamaneej wach chi juneliik neenko'linik aweh chi ma' nee ta tikik'ux i kaq b'ahlam, inki. Eh re' Daniel kutarik wo' chi kixilak i kaq b'ahlam.