Populære bibelvers fra Juan 17

Del

Pa'n ela ke tu'nju tyola axix toc, tu'ntzun cyajben o'cx teya; aju tyola axix toc.

Ex atzun chwinklal jlu te jumajx, tu'n tojtzkinjtza cyu'n, o'cx aya jun Dios axix toc, ex tu'n wojtzkinjtze cyu'n, akine Jesucrist ma chin tzaj t-sama'na.

Mya o'cx cyi'j jlu chin cubsale twitza, ax icx chin cubsale cyi'j mastl oc che ocslal wi'je nok tu'n cyyol. Chin cubsale twitza tu'n toc junx cyximbetz cycyakil, ic tza'n teya ata wuc'ile ex atine tuc'ila, Tat; icxtzun cyeju tu'n cyten junx kuc'il, tu'ntzun t-xi cyocsla'n cycyakil xjal ka aya ma tzaj samante weye.

Minti' in chin cubsane twitza tu'n cyaj ti'na tu'n mi'n cytentl twitz tx'otx', nok o'cx tu'n cyoc tcwentina tu'n mi'n tcub cyi'j tu'n tajaw il.

Ic tza'n weye ma chin jaw tnimsa'na, ax icx cye ma che jaw nnimsa'ne tu'ntzun cyoc junx, ic tza'n ke junx ko'. Akine cyuc'il, ex aya wuc'ile, tu'ntzun cytenxix junx cyximbetz, tu'ntzun tel cynic' cycyakil xjal ti'j ka aya tzaj samante weye, ex ma che tc'ujlaya ic tza'n weye ma chin tc'ujlaya.