Populære bibelvers fra Juan 15

Del

Akine tkan uva, atzun cyeye tk'ab uva keye; alcye ax toc wi'je ex toc kine ti'j, atzunju nim twitz c'oquel. Katzun cypa'n cyibe wi'je, minti' cbantel cyu'ne.

Che tencje wuc'ile ex akine cyuc'ile. Ic tza'n jun tk'ab uva mlay tz'oc twitz tu'nx tib ka mya toc ti'j tkan uva; icxtzun cyeye mlay tz'oc cywitze ka minti' ẍe cyaj tene wuc'ile.

Ka ma che cyaj tene wuc'ile, ex ka ma cyaj ten nyole tuj cyanmiye, cykaninxe tcyakil alcye cyajbile, ex ctzajel k'o'n cyeye.

Mya akeye e jaw sc'onte weye; nok o'cx akine ẍin jaw sc'onte cyeye ex ma tz'oc nk'o'ne cyoclene tu'n cyxi'ye ak'nal, ex tu'n toc cywitze ex cucx tu'n tten cywitze ic tza'n jun wi' uva at nim twitz, tu'ntzun ttzaj tk'o'n Nmane cyeye tcyakilju cxel cykanine te, tu'nju ocslal keye wi'je.

Ka at jun xjal ma txi tk'on tib tu'n tcyim tu'n cyclet ke tamiw, mas ma' tc'ujlalil, mlay pon tc'ujlalil juntl ic tza'n jlu.

Tcyakil tk'ab uva toc wi'je ka minti' twitz, c'elel ttx'emin; ex tcyakilju tk'ab uva at twitz, c'elel ti'n ttzkijil ti'j tu'ntzun toc mastl twitz.

Atzun nmandamyente jlu: Tu'n cyc'ujlante cyibe cyxolxe, ic tza'n weye ma che nc'ujlaye.

Tu'ntzun jlu cjawil nimsa'n Nmane ka ma tz'oc nim cywitze, ex cyja'tzun tten tu'n cyoque te nxnak'tzbene.

Akine tkan uva axix toc, atzun Nmane atzun ak'nal ti'j.

Alcye minti' ma cyaj ten wuc'ile, c'elex xo'n ex ctzkijel ic tza'n ke tk'ab uva in tzaj cyi'n xjal ex nno'cx cyk'o'n tuj k'ak' tu'n cybaj tz'e'y.

Tcyakil jlu ma txi nma'ne cyeye tu'ntzun cytzalaje junx wuc'ile ex tu'n cytzalaje nimxix.

Ka ma che japun ke nmandamyente cyu'ne, cucx ctel nc'ujlalile cyi'je; ic tza'n weye ma che japun ke tmandamyent Nmane wu'ne ex cucx ma ten tc'ujlalil wi'je.

Atzun jlu cxel nma'ne cyeye: Tu'n cyc'ujlante cyibe cyxolxe.

Nokwit te twitz tx'otx' keye, mawtlo che c'ujlanjtze cyu'n xjal ic tza'n in che c'ujlanjtz ke cyuc'il cyu'n, pero ja'lo ma che jaw nsc'o'ne cyxol xjal, tu'ntzunju ma che el ic'une cyu'n, porque mya te twitz tx'otx' keye.