Populære bibelvers fra Cybinchben 20

Del

Tuj tcyakil ma txi nyec'une cyeye tu'n cyak'nane icju, ex tu'n cyonine cye keju minti' cye, ex tu'n ttzaj cyna'ne aju tyol Kajaw Jesús chi o tma: Mas at tzalajbil cyeye ka at ch'in ma txi cyk'o'ne te juntl, ex mya akeye tu'n cyc'monteye ch'in ctzajel k'o'n cyeye tu'n juntl, chi Jesús, chi Pablo cye.

Pero minti' in xi nc'ujla'ne jlu; ex minti' ma cub nximane ka ma'xix toclen nchwinklale te wexe, o'cx in chin ximane ti'j tu'n tjapun baj ak'untl wu'ne tuc'il tzalajbil, ex tu'n tjapun wajbeble aju o nc'ame te Kajaw Jesús tu'n t-xi npacba'ne tkanil ba'n ti'j t-xtalbil Dios.

Cyja'tzun, ten cycwente cyi'je ex cycwentin oque ke mastl ocslal, porque ma che oc k'o'ne tu'n Xewbaj Xjan te cwentil cye, tu'n cypastorine cyi'j ke ocslal etzan tu'n Kajaw, akeju ma che lak'et tu'nx ju tchc'el.

Ja'lotzun, erman, tuj tk'ab Dios che cyjel wokxenane, ex cyjel nk'o'ne tyol Dios cyuc'ile, aju k'olte xtalbil ex at tipumal tu'n cych'iye tu'n ex tu'n ttzaj k'o'n jun etzbil cyeye cyxol cycyakil keju pa'maj ke tu'n Dios tu'n cyajben o'cx te.