Populære bibelvers fra 2 Corint 5

Del

Cyja'tzun, ka at jun xjal ma tmojba tib tuc'il Crist, ma tz'oc te ac'aj; tcyakilju te ojtxi ma baj; tcyakil ma tz'oc te ac'aj.

Ate Crist minti' il o tbincha, pero oc tk'o'n Dios kil ti'j Crist, tu'ntzun koc k'o'n te tz'aklxix tu'n Dios nok tu'nju at kmojbabl kib tuc'il Crist.

porque tu'n kocslabl in ko bet, mya tu'nju nno'c kque'yin.

Tcyakil jlu tu'n Dios in tzaj tk'o'n, ex tu'nx Dios ma bant kten tuc'il nok tu'n Crist, ex ma tzaj tk'o'n koclen tu'n t-xi kma'n cye xjal tu'n tbant cyten tuc'il Dios. Ate Dios oc tilil tu'n tu'n tbant cyten xjal tuc'il nok tu'n Crist, minti' oc tk'o'n Dios tcwent ti'j cyil xjal; ex tzaj tma'n keye tu'n t-xi kma'ne cye xjal tza'n tten tu'n tbant cyten tuc'il.

Cyja'tzun, ako'ye ma ko tzaj sama'ne te t-sanjel Crist, mer ic tza'n a Dios in cubsan cywitz xjal tu'n kyole; tuj tbi Crist in ko cubsane cywitze tu'n tbant cytene tuc'il Dios.

Te cyxel cycyakil xjal o cyim Crist tu'ntzun cyajben te Crist keju itz'x ke, mya cyexcye tu'n cyajben, nok o'cx tu'n cyajben te Crist aju o cyim te cyxel ex jatz ank'in. Cyja'tzun, ja'lo minti' in ko ximane cyi'j xjal tza'n che que'yin ex alcye cyxilen, ic tza'n in cybincha'n mastl xjal; nej atzun kximbetze ti'j Crist ic tza'n cye xjal cyximbetz, atzun ja'lo mya icx tten kximbetze ti'j.

Porque tu'nju ma kna'ye tc'ujlalil Crist, cyja'tzun mas nno'c tilil ku'ne, atzun kximbetze jlu: O cyim jun xjal te cyxel cycyakil xjal, cyja'tzun mer ic tza'n cycyakil xjal o che cyim.