Populære bibelvers fra 1 Corint 2

Del

Pero ic tza'n in tma'n tuj Tu'jil: Aju bajx til xjal ex bajx tbi ex bajx canun tuj tanmi, atzunju ma tbincha Dios cye keju in che c'ujlan te. Chi tuj Tu'jil.

Aju xjal minti' T-xew Dios tuj tanmi minti' in tc'mo'n aju in tzaj tk'o'n T-xew Dios, porque minti' ttxolil yol nne'la tuj twitz; ex mlay tz'el tnic' ti'j, porque nok o'cx tu'n T-xew Dios jacu tz'el nic'baj ti'j.

Ma tzaj tyec'un Dios jlu ke tu'n Xewbaj Xjan; porque ate Xewbaj Xjan tcyakil in baj tque'yin, ax icx ju t-ximbetz Dios, aju mlay tz'el knic' ti'j.

Atzun ke, minti' ma kc'am knabl ic tza'n cynabl xjal, nok o'cx ma kc'am T-xew Dios, tu'ntzun tel knic' ti'j t-xtalbil Dios ma tzaj tk'o'n ke.

Aju nyole ex aju pacbabl xi nma'ne cyeye, mya jun yol te xmoxbil ex mya ic tza'n cynabl xjal, nok o'cx cub ti'j cynable tu'n tipumal Xewbaj Xjan, tu'n mi'n toc ten cyocslable ti'j cynabl xjal, nok o'cx ti'j tipumal Dios.