Populære bibelvers fra Gén 25

Del

Y ri Jehová xubij chire: E ka'i' nima'q taq tzobaj winaqi' richin ri ruwach'ulew ek'o awik'in, kan man junan ta pe kiwech, ri jun más xtik'oje' ruchuq'a' chuwech ri jun chik, y ri nimalaxel xtiberusamajij ri chaq'laxel, xcha'.

y xubij chire ri ruchaq': Taya' chuwe la q'utun la yatajin chubanik, roma yiken roma wayjal, xcha'. Y roma ri' Edom chuqa' xbix chire ri Esaú y re' nel chi tzij keq.

Ri Isaac xuk'utuj k'a chire ri Jehová chi ri rixjayil nik'oje' ta ral roma rija' man alanel ta, y ri Jehová xrak'axaj y ri Rebeca xek'oje' k'a ral.

K'ari' ri Esaú xubij: Yin kan yiken yan roma wayjal; taya-pe ri aq'utun chuwe. ¿Achike ta k'a xtik'atzin-wi chuwe ri xtinwichinaj kan toq yin xa in kamineq chik?, xcha'. Y ri Jacob xubij chire ri runimal: Tajikiba' atzij chinuwech re wakami, xcha'. Y rija' kan keri' xuben, y xuya' q'ij chire ri Jacob chi ja rija' nichinan kan pa ruk'exel.

K'ari' xalex ri chaq'laxel y kan ruchapon-pe pa ruxtuxil ri Esaú, y roma ri' xubini'aj Jacob.*f24* Y ri Isaac oxk'al k'a rujuna' chiri' toq ri rixjayil xeralaj ri ak'uala' ri'.

Ri Isaac janila xrajo' ri Esaú, roma yerutej ri taq chikopi' ri nuk'en-pe pa juyu'; jak'a ri Rebeca ja ri Jacob más xrajo'.