Populære bibelvers fra Ex 32

Del

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Jari' toq ri Jehová xubij chire ri Moisés: Kabiyin-qa, roma ri atinamit ri xawelesaj-pe chila' pa ruwach'ulew Egipto, wakami xa xyojtej ri rubanik ri kibanobal. Rije' xa kan chi'anin k'a xkich'er kan ki' chire ri bey ri xink'ut chiwech, rije' xa xkiben jun ruwachibel nima-alaj achij wákix rik'in q'anapueq ya'erisan pa q'aq' y jari' ri nikiya' ruq'ij y nikisujula' kamelabel chuwech y nikibij chi jari' ri ki-dios ri xe'elesan-pe pan Egipto.

Jak'a toq ri Aarón xutzu' ri nikiben ri winaqi', rija' xuben k'a q'anej jun porobel ri chiri' chuwech-apo ri ruwachibel ri nima-alaj achij wákix y k'ari' rik'in ruchuq'a' xubij: Chua'q, kan jun nimaq'ij k'a richin ri Jehová. Y keri' ri ruka'n q'ij, ri winaqi' kan nimaq'a' yan k'a xeyakatej y xekisuj kamelabel ri yeporox chijun y xekiyala' chuqa' sipanik richin nuq'alajirisaj chi junan kiwech rik'in ri Dios. Y k'ari' xetz'uye' richin xewa-xe'uk'ya' y xeri' xeyakatej-el richin xenimaq'ijun.

Ri jun chik q'ij ri Moisés xubij chike ri ch'aqa' chik ruwinaq: Rix kan jun nimalej mak ri xiben. Wakami k'a xkijote-q'anej pa ruwi' ri juyu' rik'in ri Jehová y xtink'utuj utzil chire richin xtukuy ta ri imak, xcha' ri Moisés.