Populære bibelvers fra Matyu 27

Del

Wen it kech bout chrii aklak, Jiizas shout out loud loud, “Eli, Eli, lema sabaktanai?” Dat miin, “Mi Gad, mi Gad, wa mek yu lef mi an gaan?”

Siem taim, di kortn we did eng op iina Gad ous plit iina tuu, fram tap tu batam. Di ort shiek op an di rakstuon dem plit uopm. Tuum flai uopm, an uol iip a Gad piipl dem we did ded kom bak alaiv.

Den Jiizas baal out agen loud loud an put im spirit iina Gad an.

Wen di ed fi onjrid suoja, an di suoja dem we did de wid im a gyaad Jiizas, si di ortkwiek an aal we did a apm, dem kech dem fried wikid wikid. Ier dem no, “Fi riil, da wan ya did a Gad Bwai Pikni fi chuu!”

Nou fram migl die di uol plies get daak til chrii aklak.

Pailat se tu dem se, “Den wa mi fi du wid Jiizas we dem kaal Krais?” Di uol a dem se, “Niel im pan di kraas!” So im se, “Fi wa? Wa rang im du?” Bot dem shout louda dan dem did a shout fos, “Niel im pan di kraas!”