Populære bibelvers fra ᕉᒪᒥᐅᓄᑦ 8

Del

ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᖁᓚᖏᑦᓯᐊᕋᒪ ᑖᑦᓱᒪ ᓇᒡᓕᒍᓱᖕᓂᖓᓂᑦ ᓱᓇᒧᓪᓘᓐᓃᑦ ᐊᕕᑎᑕᐅᔪᓐᓇᖏᓐᓇᑦᑕ, ᑐᖁᒨᓪᓘᓐᓃᑦ, ᐃᓅᓯᕐᒧᓪᓘᓐᓃᑦ, ᐂᖏᓕᓄᓪᓘᓐᓃᑦ, ᕿᓚᖕᒥᓘᓐᓃᑦ ᐊᖓᔪᖅᑳᖑᔪᓄᑦ, ᒫᓐᓇᓗ ᐊᑐᕐᑕᑦᑎᓐᓄᑦ, ᐊᑐᕈᒫᕐᑕᑦᑎᓐᓄᓪᓘᓐᓃᑦ, ᐱᔪᓐᓇᕐᓂᐅᔪᓄᓪᓗ, ᐳᕐᑐᓂᕐᔫᓪᓘᓐᓃᑦ, ᐃᑎᓂᕐᔫᓪᓘᓐᓃᑦ, ᐱᓐᖑᕐᑎᓯᒪᔪᓄᓪᓘᓐᓃᑦ ᓱᓇᑐᐃᓐᓇᕐᓄᑦ, ᑕᒪᒃᑯᓄᖓᑦ ᐊᕕᑎᑕᐅᔪᓐᓇᓐᖏᓐᓇᑦᑕ ᒎᑎᐅᑉ ᓇᒡᓕᖕᓂᖓᓂᑦ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓃᑦᑐᒥᑦ.

ᑍᒫᒃᑕᐅᖅ ᓴᓐᖐᓐᓂᑦᑎᓐᓂ ᐊᓂᕐᓂᐅᑉ ᐃᑲᔪᕐᐹᑎᒍᑦ; ᑐᒃᓯᐊᕈᑎᒋᔭᕆᐊᖃᕐᑕᑦᑎᓐᓂᒃ ᖃᓄᖅ ᓈᒻᒪᒃᑐᒥᒃ ᓇᓗᒐᑦᑕ, ᐊᓂᕐᓂᐅᓪᓕ ᑐᒃᓯᐅᑎᕚᑎᒍᑦ ᐊᓂᕐᓴᐅᒥᓂᒃᑯᑦ ᐊᒡᓛᑦ ᐅᖃᐅᓯᕆᔪᓐᓇᕋᔭᓐᖏᑕᑦᑎᓐᓂᒃ.

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᑎᒥᐅᑉ ᐱᔪᒪᔭᖓᓂᒃ ᓈᓚᖕᓂᖅ ᑐᖁᓐᓇᕐᒪᑦ, ᐊᓂᕐᓂᕐᒥᒡᓕ ᓈᓚᖕᓂᖅ ᐃᓅᓯᐅᕗᖅ ᐃᓱᒫᓗᓇᕐᑐᖃᕋᓂᓗ.

ᑕᒪᒃᑯᐊᓕ ᐊᑐᕐᑍᓐᓇᕆᒐᓗᐊᕐᓗᒋᑦ ᓵᓚᖃᕐᑎᑕᐅᓪᓚᕆᒃᐳᒍᑦ ᑖᑦᓱᒨᓇ ᓇᒡᓕᒋᔨᑦᑎᒍᑦ.

ᐃᓱᒪᒋᒐᒃᑯ ᐅᖁᒤᑦᑐᒦᓐᓃᑦ ᒫᓐᓇ ᐊᑐᕐᑕᐅᔪᑦ ᐊᑦᔨᐅᑎᑕᒃᓴᐅᖏᒻᒪᑕ ᐱᓐᓇᕐᓇᕐᑐᕐᔪᐊᒧᑦ ᓴᖅᑭᑎᑕᐅᔪᒫᕐᑐᒧᑦ ᐅᕙᑦᑎᓐᓄᑦ.

ᑭᐊ ᐊᕕᑎᔪᓐᓇᕐᐹᑎᒍᑦ ᙭ᔅᑑᓯᐅᑉ ᓇᒡᓕᖕᓂᖓᓂᑦ? ᐃᓗᐊᖏᑦᔪᑎᒃᓴᖃᕐᓂᖅ ᐊᕕᑎᑦᓯᔪᓐᓇᕐᐹ, ᐅᕝᕙᓗ ᐅᖁᒤᒃᓴᕐᓂᖅ, ᐊᑭᕋᕐᑐᕐᑕᐅᓂᖅ, ᐅᕝᕙᓗ ᑳᖕᓇᕐᑐᕐᔪᐊᖅ, ᐋᓐᓄᕋᖃᖏᓐᓂᖅ ᐅᕝᕙᓗ ᑲᑉᐱᐊᓇᕐᑐᒦᓐᓂᖅ, ᑐᖁᑕᐅᓂᕐᓘᓐᓃᑦ?

ᒎᑎᐅᓪᓗ ᐃᓗᑦᑎᓐᓂᒃ ᖃᐅᔨᓴᕐᑎᐅᔫᑉ ᐊᓂᕐᓂᐅᑉ ᐃᓱᒪᖓ ᖃᐅᔨᒪᕚ, ᐊᓂᕐᓂᖅ ᑐᒃᓯᐅᑦᔨᕙᖕᒪᑦ ᒎᑎᐅᑉ ᐃᓄᖁᑎᖏᓐᓂᒃ ᒎᑎᐅᑉ ᐱᔪᒪᔭᖓ ᒪᓕᒃᓗᒍ.

ᒎᑎᐅᑉ ᐊᓂᕐᓂᖓᑕ ᑕᓯᐅᕐᑕᓕᒫᖏᑦ ᒎᑎᐅᑉ ᕿᑐᕐᖓᕆᖕᒪᒋᑦ.

ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᑦ ᐃᓱᒪᖃᕐᒪᑕ ᑎᒥᐅᑉ ᐱᔪᒪᔭᖏᓐᓂᒃ; ᐊᓂᕐᓂᐅᓪᓕ ᐱᔪᒪᔭᖓᓂᒃ ᓈᓚᒃᑐᑦ ᐃᓱᒪᖃᕐᐳᑦ ᐊᓂᕐᓂᐅᑉ ᐱᔪᒪᔭᖏᓐᓂᒃ.

ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?

ᐊᓂᕐᓂᖅ ᓇᖕᒥᓂᖅ ᐊᓂᕐᓂᑦᑎᓐᓄᑦ ᖃᐅᔨᑎᑦᓯᕗᖅ ᒎᑎᒧᑦ ᕿᑐᕐᖓᕆᔭᐅᓂᑦᑎᓐᓂᒃ. ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᐱᓐᖑᕐᑎᑕᐅᓯᒪᔪᓪᓕ ᐅᑕᖅᑭᕗᑦ ᕿᓚᓈᕐᓗᑎᒃ ᒎᑎᐅᑉ ᕿᑐᕐᖓᖏᑕ ᓇᓗᓁᕐᑕᐅᓂᒃᓴᖏᓐᓂᒃ

ᖃᐅᔨᒪᒐᑦᑕ ᐱᓐᖑᕐᑎᓯᒪᔪᓕᒫᑦ ᐋᓐᓂᐊᕐᑐᑐᑦ ᓂᓪᓕᐊᖃᑦᑕᕐᓯᒪᖕᒪᑕ ᐃᕐᓂᓱᒃᑐᑎᑐᑦ ᒫᓐᓇᒧᑦ ᑎᑭᓪᓗᒍ.