Populære bibelvers fra मत्तय 7

Del

“मागा, ताहां तुमुहूं जोड़े; होदा, ताहां तुमुहूं सापड़े, ठोका, ताहां तुमाआं काजे बाअणो उगड़ीत जाय.

काहाके जो कोडो मागेहे तियाहा जोड़ेहे, जो कोडो होदेहे तियाहा सापडेहे, आन जो कोडो ठोकेहे तियाआ काजे उगड़ीत जाहे.

“तियाहा काजे, जो कोडो माआं ए हिकवोण उनाअहे आन मानित सालेहे, तो एका हुशार माहुंउं सारकोह होये, जिये तियाआ कोओ खड़कापोअ बांद्यो.

“तिहींइं काजे, जेहें कोइत माअहें तुमाअरी सालुहूं जोवे एहेलिही तुमाआं इश्शा होय, तेहेंज कोइत तुमू बी तियांअरी साला, काहाके कायदाअ पुस्तक आन भविश्यवक्ताहांआं पुस्तक बी ओंज सिकाड़ेहे.

पोन जिवनोम जाअलोअ बाअणो हाकडो होये, आन तिहीं लेत जानारी वाट कठीण होये, आन थोड़ाज माअहुंहूं ते जोड़ेहे.

“हाकड़ी वाटे जावा, काहाके मोकली वाट हुदी होय आन ते नरकाअहें जाहे; आन तिहीं जानारे जाअखे जोएं होय.

तुमू खाराब होय तेबी तुमाआं पोर्‍याहा हाजी वस्तु आपीइलोअ मुंदू होय, ते तुमाआं होरगामेर्‍याआ आब्हापोअ जें मागतेहे तियांहां तो हाजी वस्तु केहें ने आपे?

“कोडापोअ आरोप मा लागाड़हा, ताहां तुमापोअ बी आरोप ने लागे. काहाके जेहें कोइत तुमू बिहीरा पोअ आरोप लागाड़हा, तेहेंज कोइत तुमापोअ बी आरोप लागे, आन जिया मापोवाअहीं तुमू मापित आपहा, तियाज मापोवाअहीं तुमुहूं बी पोइत जोड़े.

“पोन जो कोडो माआं ए हिकवोण उनाअहे आन नाहां मानित सालतो, तो एका फोगा माहुंउं सारकोह होये, तिये तियाआ कोअ रेटापोअ बांद्यो.

तु ताआ डोआ मेर्‍याआ मुहलोअहें पालीइलोअ सोड़ी देत ताआ पायहोअ डोआ मेर्‍याआ हुकलाअहें काहा पालेहे? नेताहां, ‘ताआ डोआ मेर्‍योअ हुकलो माहूं काडी देअहूं दे,’ एहें कोइत तू ताआ पायहोहो केहें कोइत कोत सेकेहे? पाल, ताआज डोआ मेहें तोम मुहल होये.

“ठोग भविश्यवक्ताहां रोत सांबालजा. ते मेडाआं वेहे लेत तुमाआं जागे आवताहा, पोन मांयते वेतरीइनारा कोलवाआं होस होये. तियांआं कामों वाअहीं तुमू तियांहां ओलखीत लेहा. काटाआ साड़ोप रोत दाराक्शे, नेताहां उपकाटाप रोत अंजिर पाडतेहे के?

तेहेंज कोइत हाजा साड़ोहो हाजे फलवे लागतेहे आन खाराब साड़ोहो खाराब फलवे लागतेहे.

हाजो साड़ खाराब फलवे ने आपनारो, आन खाराब साड़ हाजे फलवे ने आपनारो.

जो साड़ हाजे फलवे नाहां आपतो, तिया साड़ोहो वाडीत आगीम टाकी देतेहे.