Populære bibelvers fra Ichedendik 1

Del

Ma o, Ubinọkpaabyi oben bẹ́, “Tte amạna ansi ayokhanạng p'm'ade masẹ amạna mba, p'akheri amạna mba oyeni. Tte abẹ akhaama ẹfa ch'm'akkeri nten s'asi, ọttạra ọnọhn f'ẹrạng, ọttạra nten s'oter, ọttạra mkpaten, ọttạra ekpo phyi-phyibh py'n'esenga k'isisek.” Mạnna wọ wa Ubinọkpaabyi oyokhu ayokhanạng akhera ẹma oyeni, oyokhu bẹ akhera Ubinọkpaabyi. Wa oyokhu bẹ ujunung ọttạra ikwanạng.

Ubinọkpaabyi odo bẹ, oben bẹ bẹ́, “Abạnga amaan ayok k'ọsaabh, tte iva pabạnga afu abaabha ọyagbin ọttạra nten s'asi, ọttạra ọnọhn f'ẹrạng, ọttạra ọttọhk fidede f'urukhu akpen, f'n'ọbạra osenga k'isisek.”

K'ẹtạma, Ubinọkpaabyi usi ẹrạng ọttạra isek.

Ma okpe ngwọ, ọttọhk vạnọ-vạnọ kòde, ọyagbin uning idwukhu, ibyi sidede ipyi irungu bẹ́ kkạng, ibạra ide asi-asi. Iguguma s'Ubinọkpaabyi wa n'isenga ibaabha ma k'asi mbọ.

Ma wọ Ubinọkpaabyi obeni bẹ́, “Tte ọyaanttaana uninga.” Ọyaanttaana uninga.

Wa Ubinọkpaabyi ose bẹ́, ọttọhk fidede f'kk'usia ujibhi oseng eden. Wa ekpebha ọttạra ẹchọhkha bọ asi ottonga iwu isajạnẹ.

Ubinọkpaabyi ukwu ose bẹ́, ọyaanttaana kk'ujibha, Ubinọkpaabyi ọbhaangẹ ọyaanttaana k'urungubạnga.

Ma wọ Ubinọkpaabyi obeni bẹ bẹ́, “Akkeri, kk'bạnga achidwuk ọttạra achimạma py'idede p'aning k'isisek nnạnga, ọttạra nchi phyi-phyibh s'n'iyạm adwuk p'amạma aning k'ẹtaanga bẹ́, asẹ ide uchiattọhk fabạnga.

Ma wọ Ubinọkpaabyi oyeri ọyaanttaana nwọ, ẹya, ọbạra oyeri urungubạnga, irungu. Wa ekpebha ọttạra ẹchọhkha bọ asi echedenwu.

Ubinọkpaabyi oben bẹ́, “Tte ẹkpẹkpa iyin k'ottemkwẹ kw'asi. Tte ẹbhaangẹ asi p'ẹrạng ọttạra asi p'isekh-isek.”

Oseng nten phyibh s'irukhu akpen k'isek, ọttạra ọnọhn phyibh, ọttạra ọttọhk fidede f'n'osenga k'isisek, f'ọbạra urukhu akpen, kk'bẹ akwongutọhng p'ẹkpa nnạnga bẹ́, abẹ achi masẹ uchiattọhk fabẹ.” Akwẹ ode oche ngwọ.

Ubinọkpaabyi oben bẹ́, “Tte mkpon ininga k'akpaang s'm'ibhaangẹ ẹya ọttạra irungu, tte asẹ ide ẹkhọhkha ch'okpe kw'erobha, ọttạra iwu, ọttạra icho.

Ubinọkpaabyi oben bẹ́, “Tte isek imen ekpo k'akhira k'akhira: asạsaarẹ p'n'ayạm amạma p'm'amen k'ukhira kwabẹ, ọttạra nchi s'n'iyạm adwuk p'akhaam amạma pabẹ, k'oche kw'ukhira kwabẹ ode.” Akwẹ ode oche ngwọ.

Ma wọ Ubinọkpaabyi usi ẹkpẹkpa ẹbhaangẹ asi. Asi bạnọ aning k'akpaang k'ẹrạng, mbọkha aninga k'isekh-isek. Akwẹ ode oche ngwọ.

Isisek imen asạsaarẹ k'akhira-k'akhira: asạsaarẹ p'n'ayạm amạma p'abin k'amạma pabẹ oyeni, ọttạra nchi s'n'iyạm adwuk p'abin k'amạma p'achidwuk pabẹ oyeni. Ubinọkpaabyi ose bẹ́, kk'ujibha.

Ubinọkpaabyi usi mkpon mfa sididen. Wa usi ch'ẹbạr-ọbạr bẹ́, ekkeri ẹya, ọttạra ch'ẹsạkh-ọsạkha bẹ́, ekkeri irungu. Wa ọbạra usi ndudoru.

Ubinọkpaabyi ọbạra oben bẹ́, “Tte asi p'aning k'akpaang isekhisek atobha ibyi rạnẹ, ọfha igbin iyin.” Akwẹ ode oche ngwọ. Ubinọkpaabyi oyeri isek, igbin, ọbạra oyeri asi p'atobh ibyi rạnẹ, araanga-diden. Ubinọkpaabyi ose bẹ́, kk'ujibha.

Ubinọkpaabyi odo nten nnọ s'kk'usia bẹ́ phyibh, oben bẹ́, “Amaan ayok k'ọsaabh, abạra afu abaabha asi p'araanga-diden. Tte ọnọhn ọsaabh k'ọyagbin.”

Ubinọkpaabyi ọbạra oben bẹ́, “Tte isisek itima nten k'abẹ k'ukhira iyin: nten s'oter, ọttạra nten s'n'isenga k'isisek, ọttạra mkpaten, k'ukhira kwabẹ.” Akwẹ ode oche ngwọ.

Ubinọkpaabyi ọbạra oben bẹ́, “Tte asi afu ọttạra nten k'akhira-k'akhira s'ikhaangkẹ isaabh-ọsaabh, s'ining akpen, tte ọnọhn f'ẹrạng ukwur k'iyokhu s'akpaang.”

Mạnna wọ Ubinọkpaabyi usi mkpaten, ọttạra nten s'oter otor k'ukhira kwabẹ, ọttạra nten s'n'isenga k'isisek phyi-phyibh k'ukhira kwabẹ. Ubinọkpaabyi ose bẹ́, kk'ujibha.