Populære bibelvers fra ရှင်လုကာ 3

Del

ယောဟန် ထောင်အကိုးလှောင်နောလ် ခေါင်လှီ့ပူနူးဝေါလ် သွီးဓေါလ်သန့်စင်ခေါမ် စိုင်းဟိလ့်ထေ့နား ကိုယ်တော်ယေရှုခါ သွီးဓေါလ်သန့်စင်ခေါမ် အပက်ဟိလ့်။ ကိုယ်တော်ယေရှု ဆုအတောင်ဟိုဝေါလ် နေဟြှလ်ခေါမ် ပွင့်လူးထေ့နား ဉာဏ်အလင်းတော်ခေါမ် ဟြှားလုအောလ် ခိုခူပုံစံဝေါလ် ကာမ်းလူးထေ့နား ကိုယ်တော်စငေါလ် အစူးလူး။ ဟြှားလုအောလ်ကိ ဖုလော်ရှင်နား “နာင်နောက်ခေါမ် ကေးနား ကေးခစ်ခေါမ် ကေးစိုးဝေါလ်နာထောလ်။ ကေးနား နာင် ကေလုန်ငေါလ်ကျ” တိရို အဟောင်ခေါမ် အထိုင်း အထွက်လူး။

အင်မ်ခန်းနောလ် ယောဟန်နား အင်မ်လှီ့ကိမ်ကိမ်ငေါလ် “ကေးနား ခေါင်လှီ့အောလ် သွီးဓေါလ်ယောင်သန့်စင်ခေါမ် ကေစိုင်းပက်ခေါမ် အမှန်။ အင်မ်ဘော်နားခါ ကေးထက်ကာလ် ကြီးမြတ်တိ အလူးဟိလ့်။ ကေးနား အင်မ် ဖိနပ်ရွရ်းဆွီ့ပက်ဟိုင်ကုံးခါ တန်နယ်ဟီ။ အင်မ်နား ဉာဏ်အလင်းတော်ဓေါလ်ခါ၊ မေးဓေါလ်ခါ နာင်မီးရိုး သန့်စင်ခေါမ် အစိုင်းပက်တိုက်။

နာင်မီး အပြစ်တောလ်ကိ နောင်တနာမ်လောဒ့်ပါလ်နောက်ခေါမ် အူဟှတ်ဟှတ်စိုင်းထေ့နား သက်သေဓေါင်စမာလ်။ နာမ်ပုန်းဟို့နားနာမ်ပုန်းဟို့ အာဗြဟံမျိုးဆက် တိရို ဟောင်ဝေကော့စု။ ဟိဘော်ဟိုင်ရိုးနောက်ဟိုဝေါလ်စေး ဖုလော်ရှင်နား နီလုံးခေါမ် အာဗြဟံမျိုးဆက်လှီ့အောလ် ထောလ်ဟနောလ် အဖန်ဆင်းခွတ်ခန်းနောလ်ထောလ်။

တုအချိန်ငေါလ် ဖုလော်ရှင်နား နောင်တသံဝေဂလောဒ့်ယတိလှီ့ အပြစ်အပက်ဟိုင် အဆင်သင့်အမယ်။ အင်မ်ခန်းနောလ် နောင်တသံဝေဂလောဒ့်ကော် ပွန်တိတလှီ့ စိုင်းယတိလှီ့ ဖုလော်ရှင်နား အပြစ်စီရင်ခေါမ်ခံလောဒ့်ထေ့နား မေးဒုလ့်ကာလ်ဆာမ်းခေါမ်ခံလောဒ့်အိုက်” တိရို အဟောင်။

ပရောဖက် ဟေရှာယကျမ်းဒုလ့်ကာလ် သွီးဓေါလ်သန့်စင်ခေါမ်ပေးတိ ဆလော်ယောဟန်အကြောင်း ရော့ကယ်ခေါမ်စေး “ခေါင်မယ်နောက်ယဒိုင်ဒုလ့်ကာလ် ခေါင်ပွလ်ဟှတ်အပါခေါမ်စေး အရှင် ကြွလူးနောက်ဟိုင် လာမ်းအဆင်သင့်ထောလ်ဟနောလ် ပြင်ဆင်ဘွတ်စူး။ အရှင် လာမ်းဘူဲလ်ဟနောလ်စိုင်းဘွတ်စူး။ ကုန်းလှီ့ကီကိုဝေါလ်ကိလွေတက သပ်ဆာမ်းထေ့နား စုန်းလှီ့၊ ကုန်းလှီ့တကညီဟနောလ် ဘောင်ဘွတ်စူး။ လာမ်းကုလပ်တိလှီ့ ဘူဲလ်ဟနောလ်စိုင်းထေ့နား ကြမ်းတမ်းတိလာမ်းလှီ့ ချောမွေ့ဟနောလ်စိုင်းဘွတ်စူး။ အင်မ်ပါလ်နောလ် ဖုလော်ရှင်တိလူးဟိုင် ကယ်တင်ရှင်ခေါမ် ခေါင်လှီ့ကိမ်ကိမ်နား အမှူးလောဒ့်အိုက်” တိရို အထောလ်။