Populære bibelvers fra An Roma 6

Rema̱n copa̱nca̱ c'ko̱to i a'wa̱a̱. Ho̱sa̱m Na'Sil la, i po̱tu d'kal rem Ye̱so Ka̱risti kan buu cinna.

Rema̱n ko̱tc zatta ta̱m m'we̱s baa no da, ai retin za giirasan a̱n rein nu'gab da, i pusuu Na'Sil a̱n reina̱n gabta̱m no.

Rema̱n taanlo, baan baptisma u'na̱n na emain cinna, na sagk na. Na sootk ta̱m rihi i'da̱n a Ka̱ristin baan wa̱a̱'a ru. Bat ho̱da̱na̱n na po̱to̱sto̱in Ka̱risti a̱n gwink K'Ceto, i ho̱da̱n lo bo̱ ta̱m i ge̱be̱ste̱in na em c'nocurimu a̱n le̱vk pookne.

An se̱s la yobca̱n we̱du no soot rihic na'yomk baan emma̱ c'ko̱t da. Nes na hid no baa Na'Sila̱. Rema̱n a̱n lak a̱n uk baa c'ko̱to, a̱nta̱ma̱ la, na po̱to̱sko̱ no. Nes na yobca̱n we̱du no ta̱m rihic na'yomk baan emma̱n rihica̱ m'ga̱u.

Na napk az daava̱n na edgtin Ye̱so a̱n k'kan, na edgk ta̱m c'rihi c'naak ca̱n de̱bca̱ nocurimuc cinna ca̱ ut a unwa na. I bat nan o̱m we̱sa̱m c'ko̱t baa cinna. Na em-em taanl bat a na soot la ta̱m cokna c'ko̱t da.

Nwaa ta̱ma̱, de̱lese na hid no baa an hatin we̱sa̱m c'ko̱to. A̱n po̱tk la baa Na'Sil d'kut a Ye̱so Ka̱ristin Kan buu cinna.

Iye̱ bo̱ kaa a̱n na̱n ze? I na ryaa hwic a̱n c'ko̱t bat ho̱sa̱m Na'Sil ma̱n ma̱cmi? Sila bita̱! Cinnananan rein a uk baa c'ko̱to, i'le̱e̱le̱ ta̱m a̱n nan emt c'nocurimu a̱n emma̱n ca̱nca?

A̱n napk az an de̱l hid no a̱n gab rina̱n noc zein no ho̱d cokno, za nwaa bo̱ kaa coka̱n kan rein ta̱n gab rina̱n u zein no da? Awaz i ko̱tcan reina̱n emam m'coko, be̱se̱d no i a'wa̱a̱. An gab la rina̱n Sila zeine, Sila ta vaaksa no neta̱n an zattin ri d'reb da.

C'Bo̱m la baa Na'Sila̱. Ai retin a̱n lak de̱ha̱n an emam c'ko̱t m'coko, a̱n vaakka la a̱n gabk la̱a̱suna̱n na emain no d'ba̱t d'da̱n. Na rutk no coka̱m c'ko̱to. A̱n vaakk kaa coknan emma̱n rihica̱n gela̱v Na'Sila̱.