Populære bibelvers fra Maatiyu 24

Del

Rema̱n rihic naak ca̱n rora, to̱nc neta̱n hwe̱di ca̱n haba. Kan tu gag la c'de̱b caam d'be̱se̱, i unwa a̱n nan gwa̱a̱.

Nan em ta̱m ba̱sda̱n kasi lalksa̱n go̱mc Na'Sil a̱nmin copun yanda̱ha̱n kwe̱. I bat koowe̱ a̱nmin copca̱n copun yanda̱ha̱n kwe̱ tu honga, u kaba alla u ha̱la̱. I daava̱n lo kaa a̱n be̱se̱d da̱n ceta.

Ta̱n hong da̱ d'gaag a lamsa̱ d'gaag no. An hong la v'gel da. I ke̱ng na em rihica̱ ha̱n kwe̱. Be̱se̱d ta hwesa can la da.

“Copu tu gudgva̱ copu hyan. Go̱mc ca̱n gudgva̱ c'go̱mo̱. Nan em mer a viga̱msis nu'cop a̱n c'cop s'goo-s'goo. Rihica̱ ha̱n la kwe̱, i takboda̱n ryaaka̱ d'koba.

A'Con a copun yanda̱ha̱nna̱n ca̱n to̱o̱ kwe̱. Lalks ri la, a sa̱n taa da cakk, sa̱n es kwe̱.

Neta̱n hwe̱di ta han a̱n dind ri, a ze no, ‘I mi Ka̱risti.’ Ta yangs ta̱m neta̱n hwe̱di.

“Ta badasa ta̱m no na ryeesta no d'koba, na hwaa ta̱m no. Netnan copun yanda̱ha̱n kwe̱ ta ha̱l ta̱m no rema̱n dind ri. A̱n daava̱n lo, neta̱n hwe̱di ta lag s'gaba, ta ha̱l hyannana̱ a be̱ba̱l ta̱m na̱. Baranc Na'Sil a c'ko̱l hwe̱di ta noka ta̱m a palka̱l neta̱n hwe̱di.

Ye̱so se̱sk na̱, “Gab na sasa. A noc palk la no da.

Soot na a c'walg no, rema̱n Waav Noc tu vaaka a̱n ho̱rva̱n a̱n ta de̱ltin c'de̱b da.

“Soot na a c'walg no, rema̱n a̱n ta nap hweda̱n kan buu no tu doogta da.

“Noc za un napin d'hwen alla v'daa da. Za comta̱nc Na'Sil nanan rein a'con alla ta̱m Waav Na'Sil da. I K'Ceto c'taa a̱n napine.

Rema̱n Ka̱ristin a c'ko̱l a baranc Na'Sil a c'ko̱lo̱, ta rwa̱n a em damran rihica̱n sipa̱m na'nwa̱a̱. I bat awaz ti ema be̱, a yangs netna a an Sila dagin ne.

Ho̱da̱na̱n i emtin a̱n hwec Nuhu, i ho̱da̱n lo bo̱ ta̱m a̱n hanm ri, mi Waav Noc ma̱n sootte. A̱n hweca̱n lo, ai na emt u'were, neta̱n lak ta ryaak ta so̱o̱. Ta gaa ta giit ta̱m na c'ga̱i, i ceta hweda̱n Nuhu uvtin a̱nmi bumbka̱ m'ho̱o̱. “A ta nap la rina̱n ti em da, weru duvka̱ u to̱o̱tk na̱ kwe̱. I ho̱da̱n lo bo̱ a̱n ti emt daava̱n hanm ri, mi Waav Noco.