Populære bibelvers fra Matay 24

Del

'alrana matemuy a kuwatrengan i iyan ziyan, kazuwan na marekalralritek lra tu lramanan. mawmu, na kerevat semaseker patari puludus na trau mu 'azika'azi muvaaw.

tu fukuing na kanatal i itras pinganguwayan paketrepay palenak kani punapunan, uwasay kana tratrautrau ziyan, kemazu zi na pinakalrangan i punapunan tu uwaludusan zi raredek lra.>>

kiyaanger mu i dalrep kana lrengaw na matatengez zi i dawilr na matengangetengez na lremak. ikakaud i inmu, ini na lremak 'azika'azi mupana, mawmu amelri marengay za meredek lra tu uwaludusan na pinakalrangan i punapunan.

na saya 'alrayan kimatatengez kana zuma a saya na 'alrayan; saya na kanatal tatengez kana zuma a saya na kanatal; ulra i iyan ziya a savelawan zi ngunin. ini peniya na lremak tu uwapana mu kamawan kana miaalrak na vavayan tu nanayan za kemiyarakaz.

uwalremes na lingatr na dare', mawmu nanku ngay 'azi uwalremes munayun.>>

'alrana ulra kazuwan a trau venavetra' mingadan kananku ngadan zi zuwa, marengay: <maw ku i Kiristo>, kemazu zi 'emuli'ulid lra kazuwan za trau.

<<nu azu, ki'a'evang mu, kisavung za pakirev, kipinatray. muramawan kananku nirekudayan, kawilesaw mu za trau ziyan i punapunan. kazuwan na trau na raretra' kanantu singko, marekavetravetra' kemuwatreng, marekaawiles; uwapana kazuwan a mavetra' na patralritralri, pazelengan kana anger za trau.

temuvang i Yēsu: <<taranapaw i inmu, amanan ki'uli'ulid za trau.

semeneng, maruwaya mu marayas penadang, 'alranu na Alrak na trau kazu nu 'azi mu parangeranger kana tuki zi maherareher za meredek.>>

semeneng, kasenekin, 'alrana 'azi mu malrazam kani Luzu za raredek nu aidan kana wari.

<<kema ta kanizu na uri zazuwa na wari zi na tuki, iniyan za trau za kalrazam; na tēnsi i itras 'azi malrazam; zi na Alrak mu 'azi malrazam, mawmau i Ama na malrazam.

'alrana mavetra' na Kiristo zi na mavetra' na patralritralri uri uwapana, puwapana za ma'izang na karepalripalri kirekamelri na lremak zi pazelengan za trau nazu; nu kararuwa mu, arusay za pazelengan kanantu pinalimi' na zinekalranan kana Viruwa i itras.

tu raredekan na Alrak na trau kamawan kani Nowa na ziday na mupana na lremak maresan. na ngalun 'azi ziyan zuwa a pakangawayan, na trau kemazu mekan tremekel zi mi'azi'azin, palru za musavak kana sudang i Nowa izu na wari; penungaw lra nazu, zuwa lra na ngalun, tu lra'udaw nazu mapiya. na Alrak na trau tu i raredek mu maw kemani.