Populære bibelvers fra رومی ایشون 10

Del

گه اگه شی زِوونی هَمرا اعتراف هاکِنی «عیسی خِداوَندِ» و شی دِلی دِلِه ایمون داری گه خِدا وِرِه مِردِگونی جا زینِّه هاکِردِه، نِجات گیرنی.

چون دِلی همرائه گه آدَم ایمون اُرنِه و صالِح بِشمارِس وونِه، و زِوونی هَمرائِه گه اِعتراف کِنِّه و نِجات گیرنِه.

پَس ایمون، پیغِمی بِشنُسَنی جا اِنِه و پِیغِمی بِشنُسَن، مَسیحی کَلامی راهی جا اِنِه.

هَمونجور گه اِشعیای پِیغمبری کیتاب گِنِه: «هر‌ کی وِرِه ایمون بیارِه، شرمنده نَوونِه.» چون یهود و یونانی ای میِن هیچ فَرقی دَنیِه، چونگه هَمون خِداوَند، هَمه ای خِداوندِ و دِشتِه اونانیگه وِرِه خُونِنِه رِه، خِیلی بَرکَت دِنِه. چون «هر‌ کی خِداوندی اِسمِ بَخونِّه، نِجات گیرنِه.»

اگه بَرِسانی نَوون، چِتی موعظه هاکِنِن؟ هَمونجور گه اِشعیای پِیغمبری کیتابی دِلِه بَنوِشت بَوِه: «هون آدَمِنی لینگ گه اِنجیلی خَوَرِخِشِ موعظه کِنِنِه، چَنّی قَشَنگِ.»

پس چِتی کَسی گه وِرِه ایمون نیاردِنِه رِه، بَخونِن؟ و چِتی کَسی گه اَصلاً ویجا نِشنُسِنِه رِه ایمون بیارِن؟ و چِتی بِشنُئَن، اگه کَسی وِشونی سِه موعظه نَکِنِه؟

چون مسیح، آخَرِ شریعتِ، تا هر کی گه وِرِه ایمون بیارِه، صالِح بِشمارِس بَوو.