Populære bibelvers fra اِنجیلِ یوحنا 14

Del

شِمِنِه آرامش و سَلامتی بِجا اِلمِه؛ شی آرامش و سَلامتی رِه شِمارِ دِمِه. اونچی مِن شِمارِ دِمِه، نا اونجوریِه گه دِنیا شِمارِ دِنِه. شِمِه دِل پَریشون نَووئِه و نِلین شِمِه دِل تَرس دَکِفِه.

عیسی وِرِه بُتِه: «مِن راه و راستی و زندِگی هَسمِه؛ هیچکی جز می طریقی جا، آسِمونی پیری وَر نیِنِه.

«شِمِه دِل پَریشون نَووئِه. خِدارِه ایمون دارین؛ مِنَم ایمون دارین.

ولی هون پِشتیبون یَعنی روح القُدُس گه پیر وِرِه می اِسمی هَمرا رَسانِّه، وی هَمه چیرِه شِمارِ یاد دِنِه و هر چی مِن شِمارِ بُتِمِه رِه شِمِه یاد اُرنِه.

اونیگِه می اَحکامِ دارنِه و اونِه بِجا اُرنِه، وی هَمونیِه گه مِنِه دوس دارنِه، اونیگِه مِنِه دوس دارِه، می پیر وِرِه دوس دارنِه و مِنَم وِرِه دوس دارمِه. و شِرِه وِرِه هَم دِمِه.»

مِن پیری جا خوایمِه و وی یَت دییَر پِشتیبون شِمارِ دِنِه گه هَمِش شِمِه هَمرا دَووئِه، یَعنی روحِ راستی گه دِنیا نَتِنِّه وِرِه قَبول هاکِنِه، چون نا وِرِه وینِّه و نا اِشناسِنِه؛ ولی شِما وِرِه اِشناسِنِنی، چون وی شِمِه هَمرا یَجا دَرِه و شِمِه دِلِه مونِّه.

هر چی می اِسمی هَمرا دَرخواس هاکِنین، مِن اونِه اَنجام دِمِه، تا پیر ریکائی دِلِه جَلال بَیرِه. اگه می اِسمی هَمرا یَچی میجا بَخواین اونِه اَنجام دِمِه.

«اگه مِنِه دوس دارِنی، می اَحکامِ بِجا بیارین.

می پیری خِنِه خِیلی جادارِه. اگه هَینجور نَوِه شِمارِ گِتِمِه شومِه یَتِه جا شِمِسِه حاضِر هاکِنِم.

اگه بورِم و یَتِه جا شِمِسِه حاضِر هاکِنَم، هون موقِه، اَی هَم اِمِه و شِمارِ شی وَر وَرمِه، تا اوجِه گه مِن دَرمِه شِما هَم دَووئین.

توما وِرِه بُتِه: «آقا اَما نَئومی کِجِه شونی، پَس چِتی دِنّیم راه کِجِئِه؟»