Populære bibelvers fra اِنجیلِ مَتّی 21

Del

هَر چی دُعایِ دِلِه بِخواین، بِدَس هارنین به شَرطی که ایمان بِدارین.»

عیسی اوشانه باَگوته: «راس راسی شِمِره گونَم اَگِه ایمان بِدارین و شَک نَکُنین، نَه فقط تانید اونچه که انجیل دارِ وَسین اتفاق دَکِتِه رِه انجام هَدین، بلکه حتّی تانین این کوهِ دَستور هَدین خودشه جایِ سَر بَکِّندِه هَبو و دریای دِلِه تووادِه هَبو و اینجور بونه.

ایما جَماعَتی که پیش پیش شونِه بان و اوشانی که دُمّالسَر هَنه بان داد زَنه بان گونهِ بان: «نِجات هَدِه داوود ریکا! موبارَک اونیه کِه خداوند اِسمِ هَمره هَنه! آسِمانِ جی نِجات هَدِه!»

عیسی اوشانه باَگوته: «نِوِشتِه های مُقَدَّسِ دِلِه بَنوِیشته هَبا: ”می سِرِه دُعایِ سِرِه دُخوانده بونه،“ وَلی شُما اونِه ’دُزِّ لانه‘ هَکُردین.»

صَهیونِ کیجا رِه باگوید: «”این تی پادِشاهِ، فروتنی یه هَمرَه خَرِ سَر سَوار و هَنه خَر کُرِّه یه سَر سَوارِ و هَنِه»

ایما عیسی اوشانه باَگوته: «مَگِه تا اَلآن مَزمورِ کِتاب دِلِه نُخوانِسّید که: ”همون سَنگی که بَنّائِشان اونه رَد هَکوردَن بَنایِ اصلی تَرین سَنگ هَبا. خُداوَند اینجور هَکُردِه و اَمیِ نَظَر عَجیب هَنهِ.“

«پَس شِمِره گونَم خُدایِ پادشاهِی شیمی جی بِیته و قومی رِه هَدَه بونه که باغِ کارِه بَرِسَن و اونه مَحصولِ هَدَن.