Populære bibelvers fra انجیلِ مَتّی 16

Del

اوسِه عیسی ری وَ شاگردلِش کِه وِ فرمایش کِه: «اَر کسی بِخوا مِنَه پیروی کِنِه، باید وَ خُوش بِگذَرِه، صلیبِ خِشَه وَگِرِه وُ وَ دینِ مِ بیا.

مِ هم وَ تِ ایگُم، نومِت پطرسِه وَ معنیِ بَرد، وِ مِ وَ ری ای بَرد، کِلیسِی خِمَه بنا ایکِنُم وِ دَروازِه‌یَلِ جَنَم وَش زور وانیبو.

کلیلَلِ پادشاییِ آسمونَه وَ تِ اییُم. هر چیئی که ری زمین بویَندی، مِنِه آسمون بَسَه ایابو وِ هر چیئی که ری زمین واز کِنی، مِنِه آسمون واز ایابو.»

سی‌یِکِه هرکه بِخوا جونِشَه نجات بییِه، وِه نَه وَ دَس اییِه؛ امّا هرکه وَ خاطرِ مو جونِشَه وَ دَس بییِه، وِه نَه اُمبِلا ایجورِه.

چِه فِیدِه‌ای سی آیَم دارِه که تمومیِ دنیا نَه وَدَس بیارِه، امّا جونِشَه وَدَس بییِه؟ وِ یا آیَم چه چیئی وَ عوضِ جونِش بییِه؟

عیسی وَشون پرسی: «ایشا چه ایگیت؟ وَ نظرِ ایشا مِ کی‌یَم؟» شمعونِ پطرس جواب دا: «تِ مسیحِ موعودی، کِرِ خِدِی زِندَه!»

عیسی گُت: «خَش وَ حالِ تو، ای شمعون، کِرِ یونا! سی‌یِکِه ای حقیقَتَه جسم وُ خین وَت آشکار نَکِه، بلکم بُو مِ که مِنِه آسمونِه وِه نَه آشکار کِه.