Populære bibelvers fra نامَه وَ کِلیسِی اَفِسُس 1

Del

تا تییَلِ دِلِتون روشَن وابو، تا او اِمیدی که خدا ایشا نَه سی وِه خُوندِه، بِشناسیت وُ وَ او میراثِ بی‌‌حَدِحساب وِ پُرجلالِ خدا مِنِه ایموندارَل پِی بویَریت. وُ وَ قویَتِ بی‌حَدِحسابِ وُّ نِسوَت وَ ایما که ایمون داریم، آگا وابِیت. ای قویَت، وَ کارِ قدرتِ بی‌حَدِحسابِ خدا وَریسایِه که وِه نَه مِنِه مسیح وَ کار گِرُت، اوسِه که وِّ نَه وَ مُردِه‌یَل زِندَه کِه وِ مِنِه جایَلِ آسمونی، وَ دَسِ راسِ خُوش نِشُند، بالاتَر وَ هَر ریاسَت وِ قدرت وِ قویَت وِ سَلطنت، وِ بالاتَر وَ هَر نومی نَه تِنا مِنِه ای دورَه بَلکَم مِنِه دورِه‌یَلِ آیندَه هَم.

هَموطو که وِّ نِهِی آفرینش دنیا، ایما نَه مِنِه مسیح انتخاب کِه تا مِنِه حضورِش مقدس وِ بی‌عیب بِیم. مِنِه محبت، بَنا وَ صَلادیدِ خُوش، ایما نَه وَ نَهاتَر سی فرزند‌خُوندِه‌ایش تعیین کِه تا وَ واسطۀ عیسی مسیح، کُرَلِ خدا بِیم؛

مِنِه مسیح، ایما وَ واسطۀ خینِ وِّ آزاد وابیئیمِه، که یِه هَمو آمرزشِ گِنایَلِه، که وِه نَه وَ قَدِ فیضِ عظیمِ خُوش،

مبارک بو خدا وِ بُو خداوندِ ایما عیسی مسیح، که ایما نَه مِنِه مسیح بِی هَر برکتِ روحانی مِنِه جایَلِ آسمونی برکت دایِه.