Populære bibelvers fra وَحی 11

Del

مِ موکَوا فرشتَه هفتم شیپورُش شُ صدا در اَئو؛ و صدائِی بلندی تِی آسِمو پیچِئِست که شواَگُت: «پادشاهِنِ دنیا، مال خداوندمو و مسیح آنا بُدِ. و آنا تا اَبَدالآباد حُکمرانی اَکو.»

ملتیا بُری تَریخ بُدِت، ولی خشم تو اُمَ، وَختُش رَسِدِ که اُ مُردَیّا حُکم بِبِه، و اَجر دَدَ بِبِه اُ نوکریات، یعنی پیغامبریا و ایموندارِی اُ مسیح و اُ آنایایی که از اسمُت اَتِرسِت و حرمت اَکنِت، هم کینگِلِه و هم گات و وَختُش رَسِدِ کسِی که زِمیا نابود اَکنِت، نابود بِبِت.»

ما اُ دوتا شاهِدُم اِکتدار اَتام، و آنایا جُمَهِ عَزا بار کِردَ، هزار و دویست و شصت راز نبوّت اَکنِت.»

ولی بعد از سه راز و نصفی، نَفَس زندگی از طرف خدا شُن تِک وجود چو، و آنایا سِرِ پا آبُدِت. یَک تِرس گاتی تِک جون کسِی اُفتَه، که اُ آنایا شُدی.

آنایا اِ کُدرتا شُهَه که آسِموئا وابانِت تا تِی رازِی که نبوّت کِردات بَرو نِیاد و کُدرت شُهَه که اُ هاویا آ خون بِکنِت و هر چَند دَفَه که شُبِئِه زِمیا وَ هَمَه طور بَلایی بِزنِت.

اِیا، مِ دوتا درخت زیتون و مِ دوتا چراغدُنی هِت که تِی حضور خداوندِ زِمی اَوَایستِت. اَگَه کسی اُشبِئِه اُ آنایا ضرری بِرَسِنِه، از کَپشو تَش اَلِزِئی و اُ دشمنیاشو اَسُخِنِه و آ لاگ اَکو. اَگَه کسی اُشبِئِه اُ آنایا ضرری بِرَسِنِه، اینایی باید کُشتَه بِبِه.