Populære bibelvers fra انجیل مَرقُس 5

Del

عیسی شُ آنا گُت: «اَی دُت، ایمونُت شُ تو شفا دَدِ. وَ سلامت اُچا و از مریضیت شفا بِگِر!»

آنکا، یَک زِنی هاد که دوازده سال هاد خونریزی اُشهاد. آن زنا اَسِی دَوا دَرمون زِر دست بُری دکتریا، بُری عذاب اُشکَشِدِستاد و هَمَهِ مال و مِنالُش خرج اُشکِردِستاد؛ ولی بِهتَه که شانِبُدِستاد هیچ، بَتَه شابُدِستاد.

زِنِ جِخُو خونریزیش کَعط بو و تِی جونُش احساس اُشکِه از مریضیش شفا اُشگِرِتِه.

عیسی دست دُتِ اُشگِرِت و شُ آنا گُت: «تالیتا کومی!» یعنی: «اَی دُتِ کینگِلِه، اُ تو اَگام آپابِش!»

عیسی هَنو حرف شَزاد که مُشتی از خونَهِ رئیس عبادتگاه اُندِت و شُگُت: «دُتُت مُرد! دِگَه اَسِی چه اُ استاد زحمت اَتِش؟» ولی وَختی عیسی حرف آنایائا اُششُنُفت، شُ رئیس عبادتگاه گُت: «مَتِرس! فَکَط ایمون اُتبِه.»

اَسِی که عیسی شُ آنا اَگُت: «اَی روح ناپاک، از اِ مَردا دَر بِدا!» عیسی از آنا اُشپُرسی: «اسمُت چِئِه؟» جواب اُشدَ: «اسمُم لشکرِه؛ اَسِی که اَما بُری هِم.»