Populære bibelvers fra نامَه عِبرانِنیا 4

Del

اَسِی که کلوم خدا زندَه و فعالِه، از هر شمشیر دو لَبَه‌ای تیزتَئِه، اونا جا اَچِه که جون و روح، مفصلیا و مغز استخونا اَزیَه جدا اَدَکو، و فکریا و نیّتِی دِلا اَسَنجِه.

پَ بِلگی وَ خاطر جمعی اُ تخت فیض نَزیک آبِم تا اُ اَما رحم بِبِه و فیضی اُ دست بیارِم که موکَهِ احتیاج کُمَکمو بِکو.

اَسِی که اَما گَپترین کاهِنی مُنی که اُشنِشابِه خاد ضعفِی اَما همدردی بِکو، بلکه کَسیه که از هر نظر چُنِ اَما امتحان بُدِ، ولی گناه اُشنِکِردِ.

هیچ مخلوکی از نظر خدا پِنهون نی، بلکه مَچی جلووِ چَشِی خدا لُخت و وَدیه، مِ خدایی که باید اُ آنا حساب آپَس تِم.

پَ از مِکاکِه اَما گَپترین کاهِن عظیمی مُهَه که از آسِمونیا رَد بُدِ، یعنی عیسی پُس خدا، بِلگی اعترافمو مُحکام نِگَه بِکنِم.

پَ بِلگی تَکَلّا بِکنِم تا اُ مِ جَی آسایشا جا اُچِم، تَ هِسکَه وَ اونا نافَرمُنِنی نِفتِه.