Populære bibelvers fra نامَه دوّم قُرِنتِنیا 5

Del

پَ اَگَه کسی تِی مسیح بِه، مِ آداما یَک مخلوک تازَه‌ئِه. چِی‌یَی کاهنَه گذشتِه؛ بِبِنی، مَچی تَزَه آبُدِ!

خدا وَخاطر اَما اُ مِ کسی که گناها اُشنِشناخت، شا گناه کِه، تَ اَما تِک مسیح تِی صالح بُدَئِه خدا شریک بِبِم.

اَسِی که وَ ایمون زندگی اَکنِم، نِه وَ مِ چِی که اَبِنِم.

اِیا هَمَه از خدائِه، مِ خدایی که اُ واسطَهِ مسیح اُ اَما خاد خوش صلح اُشدَ و خدمت صلح دَدَئا شُ اَما دَ. یعنی، خدا تِی مسیح دُنیَه‌وا خاد خوش صلح شَدَ و خطائِی آدامیائا شُ حسابشو نانَه، و پیغوم صلحا شُ اَما دَ.

وَخاطر هَمِ هم اَما سفیرِی مسیح هِم، اوناکِه خدا خواستَه‌اُش اُ واسطَهِ اَما اَگِه، اَما از طرف مسیح از شما خواهش مُهَه که خاد خدا صلح بِکنی.

مسیح وَخاطر هَمَه مُرد تَ کسِی که زندَه هِت دِگَه نِه اَسِی خوشو، بلکه اَسِی کسی زندگی بِکنِت که وَخاطرشو مُرد و زندَه آبو. پَ، اَما اِلا مِم بعد دربارَهِ هِسکَه وَ فکر انسانی کضاوت ناکنِم. با اِکِه کَبلتَه دربارَهِ مسیح وَ فکر انسانی کضاوت مُکِه، ولی آلَه دِگَه اینا نی.

اَسِی که محبت مسیح اُ اَما حاکمِه، اَسِی که اِ نتیجَه‌وا مُگِرِتِه که یَک نفر وَخاطر هَمَه مُردِه، پَ هَمَه مُردِت.