Populære bibelvers fra نامَه اوّل پِطرُس 2

Del

ولی شما نَسل انتخاب بُدَ هی، کاهِنِی هی که شاهانَه کاهِنی اَکنی؛ شما یَک ملت مکدّس هی و کومی هی که مِلک خدا خوش هی، تا خصلتِی عالِنِ خدائا اعلام بِکنی، مِ خدایی که شمائا از تاریکی اُ نور عجیبُش دعوت اُشکِه.

مسیح خوش جُور گناهِی اَمائا لِی صلیب تِی بَدنُش اُشکَشی تا اَما نسبت اُ گناه بِمِرِم و نسبت اُ صالح بُدَ زندگی بِکنِم. خاد زخمِی آنا شفا پیدا تُکِردِ. اَسِی که شما چُنِ کَهرِی هادی که رَهشو شُنا گُم کِردِستاد، ولی اَلَه اُ حَدِ چیپو و ناظر جونیاتو آگِشتِستی.

زَمونی شما یَک کوم اُ حساب نِداندی، ولی اَلَه کوم خدا هی؛ زَمونی از رحمت بی نصیب هادی، ولی آلَه اُ شما رحم بُدِ.

چُنِ بَچِی طَلَئِه تازَه اُ دنیا اُندَ، مُشتاک شیر خالص روحانی بی تَ اُ وسیلَه آنا اَسِی نجات رشد بِکنی،

اَی عزیزیا، از شما که تِی اِ دُنیَه‌وا غریب و بیگانَه هی خواهش اَکنام که از هوی و هَوسِی جسم که وَ ضد جون شما جنگِدات، دوری بِکنی. رفتارتو بین آدامِی بین ایمون وَ حرمت بِه، تَ اینایی وَختی که آنایا اُ شما متهم اَکنِت که کَریاتو بَدِ، کَرِی خَشتو بِبِنِت و خدائا تِی راز دِدَش، حمد و ستایش بِکنِت.

شما هم خوتو چُنِ سنگِی زندَه، وَ عنوان خونَهِ روحانی بَنا اَبی تا کاهِنِی مکدّس بی که اُ واسطَهِ عیسی مسیح، کُربونِنِی روحانِنی که خدا کَبولشو اَکو تَکدیم بِکنی.

پَ شما هر بَدجنسی، و هر حُکَه بازِنی و ریاکاری و حسادَت، و هر تهمتی از خوتو دور بِکنی.

هَموناکِه اُ آنا نَزیک اَدَبی، یعنی اُ مِ سنگ زندَه‌وا که آدامیا رَد شُکِه ولی تِی چَش خدا انتخاب بُدَ و کیمَتیه،

چُنِ آدامِی آزاد زندگی بِکنی، ولی آزادیتو یَک سرپوشی اَسِی شرارت مَکنی، بلکه چُنِ غُلومِی خدا زندگی بِکنی.

اَسِی که خواست خدا اِئِه که وَ خوبی کِردَ، نادونِنِ مردم نَفَهما ساکت آکنی.