Populære bibelvers fra نامَه اوّل قُرِنتِنیا 2

Del

ولی هَموناکِه تِی کتاب اِشعیای پیغامبر نوشتَه بُدِ: «چِی که هیچ چَشی اُشنِدِدِ، هیچ گاشی اُشنِشُنُفتِ، و اُ فکر هیچ آدامی نِرَسِدِ، خدا اَسِی کسِی که خاطرُش شُئِه آمادَه اُشکِردِ.»

آدامی که نَفسانیه چِی‌یَی که از روح خدائِه کَبول ناکو، اَسِی که از نظر مِ آداما، نادونیه، و اُشناشابِه آنایائا بِفَهمِه، اَسِی که از طریق روحانیه که اَبِه تشخیصشو هاتِش.

خدا اِ چِی‌یَه‌وا اُ واسطَهِ روحُش شُ اَما آشکار کِردِ، اَسِی که روح خدا مَچیا اَدَکاوِ، حتی سِررِی عمیق خدائا.

اَلَه اَما روح اِ دُنیَه‌وا مُنِگِرتِه، بلکه روحیا مُگِرِتِه که از طرف خدائِه تَ چِی‌یَی که خدا شُ اَما مُفتی دَدِ، بِفَهمِم.

حرف و پیغوم ما خاد کلمَه‌ئِی کانِع کنندَه حکمت نِهاد، بلکه وَ آشکار بُدَئِه روح خدا و کُدرت هاد، تَ پایَه ایمون شما، لِی حکمت آدامی نِبِه، بلکه لِی کُدرت خدا بِه.