Populære bibelvers fra انجیلِ مَتی 24

Del

شِرارَت اُوقَه زیاد موئَه کِه محبتِ خیلی‌یا وِ یَک سَرد موئَه. اما هَر کَه تا وِ آخِر تاو بیارَه، نجات پیا می‌کَه.

وَ ایی خَوَرِ خُوشِ پاتشائی دِ سَرتاسَرِ دنیا اِعلُوم موئَه تا گِردِ ملت‌یا دِ وَه واخَوَر بوئَن. اوسِه دنیا وِ آخِر مِی‌رَسَه.

هِه چِنی دِبارَه جنگ‌یا می‌شنُوئیت وَ خَوَرِ جنگ‌یا وِ گوشِتُو مِی‌رَسَه. اما پَریشُو نوئیت، سی یَکِه یِنُو اتفاق مِی‌فتَه، اما هَنی آخِرِ کار نَرَسِسَه.

ملتی وِ تیشکِ ملتی هَنی وَ مملکتی وِ تیشکِ مملکتی هَنی وِرمِی‌سَن. وَ قَطی‌یا وَ زِمی‌لَرزَه‌یا دِ جایا جورواجور اتفاق مِی‌فتَه. اما گِردِ یِنُو تَنیا شروع دردِ ژُ اَ.

آسمُو وَ زِمی دِ بین مِی‌رَه، اما قِصَه‌یا مِه هرگز دِ بین نِمِی‌رَه.

سی یَکِه خیلی‌یا وِ نُومِ مِه میان وَ مُوئَن: ”مِه مسیحِ موعودِم،“ وَ خیلی‌یا نِه دِ رَه وِ دَر می‌کَن.

«دِ او زِمُو شِما نِه تسلیمِ دُشمِه‌نیا می‌کَن تا عَذُوِ زیادی بِئینیت، وَ شِما نِه مِی‌کُشَن. تمُومِ ملت‌یا وِ سُنَه نُومِ مِه دِ شِما بَی مُورَن. دِ او روزیا خیلی‌یا دِ ایمُونِ خُوشُو وِرمی‌گَردَن، وَ وِ یَکتِری خیانت می‌کن وَ دِ یَکتِری بَی مُورَن. انبیا دِروکِنی زیادی وِرمِی‌سَن، وَ خیلی‌یا نِه دِ رَه وِ دَر می‌کَن.

عیسی وِشُو گُت: «حواسِتُو با تا کَسی شِما نِه دِ رَه وِ دَر نَکَه.

پس شِما هَم آمادَه بایت، سی یَکِه کُرِ انسان دِ ساعتی میایَه كِه انتظارِشِه ناریت.

پس حواسِتُو با، سی یَکِه نُئُونیت خداوندِ شِما چِه روزی میایَه.

«اما دِبارَه او روز وَ او ساعت وِ شِما مُوئِم کِه هیچ کَس غیرِ بُوَه او روز وَ ساعتِ نِه نُئُونَه؛ حتی فرشتَه‌یا آسمُو وَ حتی کُر هَم دِش خَوَر نارَن.

سی یَکِه خیلی‌یا دِ دِرو وِ اسمِ مسیح وَ یا انبیا وِرمِی‌سَن، نِشونَه‌یا وَ چیا بِلاجی گَپی، ظاهر می‌کَن تا اَر بَتُونَن، حتی بَرگُزیَه‌یا نِه هَم دِ رَه وِ دَر بَکَن.

زِمُونِ اُومایِه‌نِ کُرِ انسان چی روزگارِ نوح اَ. دِ روزیا وِرَز تیفُو، وِرَز یَکِه نوح رُوئَه وِ مینِ كَشتی، مردِم می‌حَردن وَ وِرمی‌راشَنِن وَ زَ می‌گِرِتِن وَ شی می‌کِردِن، وَ نُئُونِسِن چی ها بوئَه. تا یَکِه تیفُو اُوما وَ گِردِ نِه وا خُوش بُرد. اُومایِه‌نِ کُرِ انسان هَم هِه چِنی موئَه.