Populære bibelvers fra انجیلِ مَتی 19

Del

عیسی وِشُو سِیل کِرد وَ گُت: «یَه سی انسان ممکن نی، اما سی خدا همَه چی ممكن اَ.»

پس، دِ اوسِه وا دِما دَ دو نیسِن بلكِم یِه تَن هیسِن. پس او چیئی کِه خدا وِ یَک وصل کِردَه، انسان نَبایِس جِگا بَکَه.»

عیسی دِ جُئُو وِنُو گُت: «مَر دِ تورات نَحَنیتَه كِه آفرینندَه انسان دِ اول”وِنُو نِه پیا وَ زَ آفَری“، وَ گُت: «زوتا پیا دِ بُوَه وَ داآش جِگا موئَه وَ می‌چَسبَه وِ زِئنَه‌ش وَ هَر‌دِک، یِه بدن موئَن.»

اما عیسی وِشُو گُـت: «بِئیلیت بَچُو بیایَن وِ تِه مِه وَ نِهاشُو نِه نِئیریت، سی یَکِه پاتشائی آسمُو سی چِنی کَسُونی اَ.»

اما خیلی دِ کَسُونی کِه الان اول هیسِن، آخِر موئَن، وَ کَسُونی کِه آخِر اَن، اول موئَن!

وَ هَر کَه وِ سُنَه نُومِ مِه حُونَه، یا بِرار وَ یا خُووَر یا بُوَه وَ یا داآ وَ یا بچَه وَ یا املاکِ خُوشِه ترک کِردوئَه، صد بِرُووَر وِ دَس میارَه، وَ حیاتِ ابدی نِه هَم وِ ارث مُورَه.

عیسی جُئُو دَه: «اَر می‌حای کامل بوئی، رُو وَ هَر چی کِه داری بَفِروش وَ بِه وِ ژاریا، کِه دِ آسمُو گنج داری. اوسِه بیا وَ مُریدِ مِه بو.»

عیسی وِش گُت: «سی چی دِبارَه یَه کِه، چِه چیئی خو اَ، دِ مِه سؤال می‌کی؟ تَنیا یَکی اَ کِه خو اَ. اَر می‌حای وِ حیاتِ ابدی رَه پیا بَکی، هُدیا شریعتِ نِه وِ جا بیار.»

هَنی وِتُو مُوئِم كِه رَدبی‌یِه‌نِ شتر دِ سیلا سیزِه آسُوتِر اَ دِ رَه پیاکِردِه‌نِ یِه آیِمِ پیلدار وِ پاتشائی خدا.»

وِ شِما مُوئِم، هَر کَه زِئنَه خُوشِه وِ هَر علتی غیرِ زِنا طِلاق بِئَه وَ زَنی هَنی نِکاح بَکَه، زِنا کِردَه.»

اوسِه عیسی وِ شاگردیاش گُت: «وِ راسی وِ شِما مُوئِم، یِه آیِمِ دُولَه‌مَن خیلی سخت وِ پاتشائی آسمُو رَه پیا می‌کَه.