Populære bibelvers fra متّانین رئوایت 16

Del

او زامان عئسا شاگئردلرئنه ددی: «هر کئم ائسته‌سه منئم دالیمجا گله، گرک اؤزونی ائنکار اِلئیه‎ و چارمیخینی گؤتوروب، منئم دالیمجا گله.

من ده سنه دیئرم کی، سن پطروس‌سان و من کئلئسامی بو داش اوستونده بئنا اِلئیه‌جه‌یم و اؤلولر دئیارینین قاپیلاری اونا قالئب گله بئلمه‌یه‌جکلر.

گؤیون پادشاهلیغینین آچارلارینی سنه وره‌جه‌یم؛ یِر اوزونده باغلادیغین هر شی، گؤیده باغلانمیش اولاجاق و یِر اوزونده آچدیغین هر شی، گؤیده آچیلمیش اولاجاق.»

چونکی هر کئم جانینی قورتارماق ائسته‌سه، اونی اَلدَن وره‌جک. آمّا هر کئم منئم اوچون اؤز جانیندان کِچسه، اونی قازاناجاق.

چونکی آدام اوچون نه فایداسی وار کی، بوتون دونیانی اَله گتئره، آمّا اؤز جانینی اَلدَن وره؟ ائنسان اؤز جانی عوضئنه نه وره‌بئلر؟

عئسا اولارا ددی: «سئز نه دیئرسئز؟ سئز دیئرسئز من کئمَم؟» شمعون پطروس جاواب ورئب ددی: «سن دئری تارینین اوغلی وعده ورئلن مسئحسن.»

عئسا اونا ددی: «خوش سنئن حالینا، ای یونا اوغلی شمعون! چونکی بونی سنه جئسم و قان یوخ، بلکی گؤیده اولان آتام بئلدئردی.