Populære bibelvers fra ရှင်မာကု 13

Del

လူတို့သည် သင်တို့အား ငါ့တပည့် နောက်လိုက်ဖြစ်၍ မုန်းတီးကြလိမ့်မည်။ သို့သော် ငါ့အပေါ် ယုံကြည်မှုခိုင်မာ၍ အဆုံးသတ်အချိန်သည့်တိုင်အောင် ဆက်လက်ယုံကြည်နေသောသူအား ဘုရားရှင်က ကယ်တင်တော်မူလိမ့်မည်။”

ထိုကာလသည် မည်သည့်အချိန်၌ ကျရောက်လာမည်ဆိုသည်ကို မသိနိုင်ကြသည့်အတွက် သင်တို့ သတိတရားနှင့် နိုးနိုးကြားကြားနေကြလော့။

ဖမ်းဆီးခြင်းခံရသည့်အခါ မည်သို့ ရင်ဆိုင်ပြောဆိုကြရမည်ဆိုသည်ကို မစိုးရိမ်ကြနှင့်။ ထိုအချိန်၌ သင်တို့၏စိတ်နှလုံးနှင့် စကားပြောဆိုခြင်း မဟုတ်ဘဲ ဉာဏ်အလင်းတော်သည် သင်တို့ကိုယ်စား စကားပြောဆိုလိမ့်မည်။

ကောင်းကင်နှင့်ကမ္ဘာမြေကြီးသည် ထာဝရမတည်မြဲသော်လည်း ငါ၏စကားများသည် အစဉ်ထာဝရ တည်နေလိမ့်မည်။”

“သို့သော်ထိုအရာများ ဖြစ်ပျက်လာမည့် နေ့ရက်အချိန်နာရီအား အဖဘုရားရှင်မှတစ်ပါး မည်သူမျှမသိနိုင်။ ရွှေမြို့တော်၌ရှိသော နတ်ဒေဝါများလည်းမသိနိုင်သည့်အပြင် သားတော်ကိုယ်တိုင်ပင် မသိနိုင်။

စစ်ပွဲသံများနှင့် အခြားနေရာတို့၌ စစ်ဖြစ်နေသည့်သတင်းများကို သင်တို့ကြားကြသည့်အခါ မကြောက်ကြနှင့်။ ဤအရာတို့သည် အမှန်တကယ်ပင် ဖြစ်ပျက်လာမည်ဖြစ်သော်လည်း ဘုရားရှင်စီစဉ်ထားတော်မူသည့် အဆုံးသတ်တော့မဟုတ်သေးပေ။

အိမ်ရှင်သည် ညနေစောင်းချိန်၊ ညဉ့်ဦးယံအချိန် သို့မဟုတ် သန်းခေါင်ယံချိန်၊ မနက်မိုးသောက်ချိန်တို့တွင် မည်သည့်အချိန်၌ ပြန်ရောက်လာမည်နည်းဆိုတာ သင်တို့မသိနိုင်ကြသည့်အတွက် အမြဲသတိဝီရိယနှင့်စောင့်နေကြလော့။ ထိုသို့မဟုတ်လျှင် အိမ်ရှင်သည် ရုတ်တရက်ပြန်ရောက်လာသောအချိန်၌ သင်တို့ သတိဝီရိယကင်းမဲ့စွာ အိပ်ပျော်နေကြသည်ကို တွေ့လိမ့်မည်။ ထို့ကြောင့် သင်တို့နှင့်အတူ ဤကမ္ဘာပေါ်မှ လူခပ်သိမ်းတို့အား ငါမိန့်မှာသည်ကား၊ သတိဝီရိယနှင့် နိုးနိုးကြားကြားစောင့်နေကြလော့” ဟု မိန့်တော်မူ၏။

နိုင်ငံအချင်းချင်း၊ လူမျိုးအချင်းချင်း စစ်ပွဲများဖြစ်ပွားလိမ့်မည်။ ကမ္ဘာ့နေရာအနှံ့အပြား၌ မြေငလျင်များ လှုပ်ခတ်၍ လူပေါင်းများစွာတို့သည် အစားအစာငတ်ပြတ်သေကြေလိမ့်မည်။ ဤကဲ့သို့အခြေအနေများသည် ကြီးမားသည့် ပြဿနာ၏အစပိုင်းပင် ရှိပေဦးမည်။”

ထို့အပြင် အဆုံးသတ်အချိန်ကိုမရောက်မီ ငါ့အကြောင်း မင်္ဂလာသတင်းကောင်းကို ကမ္ဘာပေါ်မှ လူမျိုးအပေါင်းတို့အား ဦးစွာဟောပြောကြရမည်။

ငါ့၏အမည်နာမကို သုံး၍ အခွင့်အာဏာကို အယောင်ဆောင်အသုံးချမည့်လူများ ပေါ်ထွက်လာလိမ့်မည်။ သူတို့ကိုယ်သူတို့ ‘ငါသည် ကယ်တင်ရှင်မေရှိယဖြစ်သည်’ ဟုပြောကြ၍ လူများစွာကို လိမ်လည်လှည့်ဖြားကြလိမ့်မည်။

“သင်တို့ကိုယ်တိုင်သည်လည်း နိုးနိုးကြားကြားနေ၍ အမြဲတမ်းသတိရှိကြလော့။ လူအများသည် သင်တို့ကို ဖမ်းဆီးကာ သူတို့၏တရားလွှတ်တော်များသို့ ခေါ်ဆောင်သွားကြမည်ဖြစ်ပြီး ဓမ္မာရုံများတွင်လည်း သင်တို့ကို ရိုက်နှက်ကြလိမ့်မည်။ သင်တို့သည် ငါ၏တပည့်များဖြစ်သည့်အတွက်ကြောင့် ရှင်ဘုရင်နှင့် အာဏာပိုင်များရှေ့၌ တရားရင်ဆိုင်ကြရလိမ့်မည်။ သင်တို့သည် ငါ့အကြောင်းကို သူတို့ရှေ့၌ သက်သေခံထွက်ဆိုရလိမ့်မည်။

အကြောင်းမူကား သူတို့ကိုယ်သူတို့ ကယ်တင်ရှင်မေရှိယဖြစ်၏၊ အရိယာ သူတော်စင်ဖြစ်၏ဆိုသောလူတို့သည် များစွာပေါ်ထွက်လာပြီး ထိုသူတို့သည် ဘုရားရှင်ရွေးကောက်တော်မူထားသည့်လူအများအား လိမ်လည်လှည့်ဖြားရန် အံ့ဖွယ်အမှုကိစ္စအမျိုးမျိုးကိုလည်း လုပ်ပြကြလိမ့်မည်။

“ထိုကဲ့သို့ ကြောက်မက်ဖွယ်ကောင်းသည့်အချိန်ကာလ ကျရောက်ပြီးသောအခါ နေသည် အလင်းရောင်ပျောက်ကွယ်၍ လသည်လည်း မှောင်မိုက်နေလိမ့်မည်။ ကောင်းကင်မှ ကြယ်တို့သည်လည်းကြွေကျကာ ကောင်းကင်တန်ခိုးတို့သည်လည်း တုန်လှုပ်ကြလိမ့်မည်။