Populære bibelvers fra ရှင်လုကာ 23

Del

ထိုအခါ ကိုယ်တော်က “အဖဘုရားရှင်၊ သူတို့သည် မိမိကိုယ်ကို မည်သည့်အရာကို ပြုနေကြသည်ကိုပင် မသိကြသည့်အတွက်ကြောင့် သူတို့ကို ခွင့်လွှတ်ပေးတော်မူပါ” ဟုဆုတောင်းတော်မူ၏။ ထို့နောက် ရဲမက်တို့သည် ကိုယ်တော်၏အဝတ်များကို အလောင်းအစားလုပ်၍ ခွဲဝေယူကြ၏။

ထိုအခါ ကိုယ်တော်က “သင့်အား ငါအမှန်ဆိုမည်ကား သင်သည် ယနေ့ပင်လျှင် ပရဒိသုဘုံ၌ ငါနှင့်အတူရှိလိမ့်မည်” ဟု မိန့်တော်မူ၏။

ထို့နောက် ထိုသူကဆက်၍ ကိုယ်တော်အား “ကိုယ်တော်၊ အသင်သည် ရှင်ဘုရင်တစ်ပါးအဖြစ် အုပ်စိုးဖို့ရန် ပြန်လာသည့်အချိန်၌ အကျွန်ုပ်ကို အောက်မေ့တော်မူပါ” ဟုလျှောက်လေ၏။

ကိုယ်တော်သည်လည်း ကျယ်လောင်သောအသံဖြင့် “အို အဖဘုရား၊ အကျွန်ုပ်၏ဝိညာဉ်ကို အဖဘုရားရှင်၏လက်တော်၌ အပ်နှံပါ၏” ဟု မြွက်ဆိုပြီးနောက် အသက်တော်ကိုစွန့်တော်မူ၏။

ဦးခေါင်းခွံအမည်ရှိ တောင်ကုန်းပေါ်သို့ ရောက်လျှင် ကိုယ်တော့်အား လက်ဝါးကပ်တိုင်ပေါ်သို့တင်ကာ သံရိုက်လိုက်ကြ၏။ ကိုယ်တော်၏တစ်ဖက်တစ်ချက်စီတွင် ရာဇဝတ်သားနှစ်ဦးကိုလည်း ကိုယ်တော်၏လက်ယာဘက်၌ တစ်ဦး၊ လက်ဝဲဘက်၌တစ်ဦး လက်ဝါးကပ်တိုင်ပေါ်တင်၍ သံရိုက်လိုက်ကြ၏။

ထိုအချိန်ကား နေမွန်းတည့်ချိန် ဖြစ်နေသော်လည်း ညနေသုံးနာရီထိတိုင်အောင် ကမ္ဘာတစ်ခွင်လုံးရှိ မိုးကောင်းကင်သည် မဲမှောင်နေ၏။ နေ၏အလင်းသည် ကွယ်ပျောက်သွားပြီး ဗိမာန်တော်ရှိ အမြင့်မြတ်ဆုံးသောနေရာကို ဖုံးအုပ်ထားသော ကန့်လန့်ကာကြီးသည် နှစ်ခြမ်းကွဲသွားလေတော့၏။

ဤအဖြစ်ကိုတွေ့မြင်သော ရောမတပ်မှူးသည် ဘုရားရှင်၏ဂုဏ်တော်ကို ချီးမွမ်းလျှက် “ဤသူသည် ဖြောင့်မတ်မှန်ကန်သောသူဖြစ်ပါသည်တကား” ဟုဆိုလေ၏။