Populære bibelvers fra ယောဟန် 16

Del

သင်တို့သည် ငါ့ကိုအမှီပြု၍ ငြိမ်းချမ်းခြင်းရှိစေခြင်းငှာ ဤအကြောင်းကို ငါဟောပြော၏။ သင်တို့သည် ဤလောက၌ ဆင်းရဲဒုက္ခကို ခံရကြလိမ့်မည်။ သို့သော်လည်း မစိုးရိမ်ကြနှင့်။ ငါသည် ဤလောကကို အောင်တော်မူပြီ” ဟု မိန့်တော်မူ၏။

သို့သော် စစ်မှန်သောဘုရားရှင်အား ထင်ရှားစေသည့် ဉာဏ်အလင်းတော်ရောက်လာသောအခါ သင်တို့အား သမ္မာတရားအလုံးစုံသို့ လမ်းပြပို့ဆောင်ပေးတော်မူလိမ့်မည်။ အကြောင်းမူကား ထိုဉာဏ်အလင်းတော်သည် မိမိဆန္ဒအလျောက် မြွက်ဆိုတော်မမူဘဲ ကြားရသမျှတို့ကိုသာ မြွက်ဆိုတော်မူ၍ နောင်ဖြစ်လာမည့်အရာတို့ကို သင်တို့အား ဖော်ပြတော်မူလိမ့်မည်။

သင်တို့သည် ယခုတိုင်အောင် ငါ့နာမ၌ မည်သည့်အရာကိုမျှ တောင်းခံခြင်းမရှိကြသေး။ သင်တို့၏ဝမ်းမြောက်ခြင်းပြည့်စုံစေရန် တောင်းလျှောက်ကြလော့။ တောင်းလျှင်ရကြလိမ့်မည်။

သို့သော် သင်တို့အား ငါအမှန်ဆိုသည်ကား ငါသွားရခြင်းသည် သင်တို့အတွက် အကျိုးရှိ၏။ အကြောင်းမူကား ငါမသွားလျှင် ကူညီမည့်သူသည် သင်တို့ထံလာမည်မဟုတ်။ ငါသွားလျှင်မူကား ထိုအရှင်ကို သင်တို့ထံ ငါစေလွှတ်မည်။ ထိုအရှင်ရောက်လာသောအခါ လောကသားတို့အား အပြစ်အကြောင်း၊ ဖြောင့်မတ်ခြင်းအကြောင်းနှင့် တရားစီရင်ခြင်းအကြောင်းတို့အား ဖော်ပြလိမ့်မည်။

ထို့အတူ သင်တို့သည် ယခုဝမ်းနည်းခြင်းရှိကြသော်လည်း ငါသည် သင်တို့နှင့် တဖန်ပြန်တွေ့မည်ဖြစ်သောကြောင့် သင်တို့၏စိတ်နှလုံးသည် ဝမ်းမြောက်ခြင်းနှင့် ပြည့်စုံကြလိမ့်မည်။ ထိုဝမ်းမြောက်ခြင်းကို မည်သူမျှ သင်တို့ထံမှ မဖယ်ရှားနိုင်။ ထိုနေ့၌ သင်တို့သည် မည်သည့်အရာကိုမျှ ငါ့အားမေးမြန်းကြမည်မဟုတ်။ သင်တို့အား ငါအမှန်ဆိုသည်ကား သင်တို့သည် တစ်စုံတစ်ခုကို ငါ၏နာမ၌‌ ခမည်းတော်ထံတောင်းလျှောက်ကြလျှင် ခမည်းတော်သည် ပေးတော်မူလိမ့်မည်။

သင်တို့အား ငါအမှန်ဆိုသည်ကား သင်တို့သည် ငိုကြွေးမြည်တမ်းကြလိမ့်မည်။ ဤလောကသားတို့မူကား ဝမ်းမြောက်ရွှင်လန်းကြလိမ့်မည်။ သင်တို့သည် ဝမ်းနည်းကြသော်လည်း သင်တို့၏ဝမ်းနည်းခြင်းသည် ဝမ်းမြောက်ခြင်းဖြစ်သွားလိမ့်မည်။