Populære bibelvers fra ယောဟန် 12

Del

မည်သူမဆို ငါ၏အမှုအား ထမ်းရွက်မည်ဆိုလျှင် ထိုသူသည် ငါ့နောက်သို့လိုက်ရမည်။ ထိုအခါ ငါရှိရာအရပ်၌ ငါ၏အမှုတော်ကို ထမ်းရွက်သူလည်း ရှိပေလိမ့်မည်။ ငါ၏အမှုအား ထမ်းရွက်သောသူကို အဖဘုရားသည် ချီးမြှောက်တော်မူလိမ့်မည်။

မိမိအသက်အား တွယ်တာသောသူသည် ထိုအသက်ကို ဆုံးရှုံးရလိမ့်မည်။ ဤလောက၌ မိမိအသက်အား ပဓာနမထားသောသူတို့သည်ကား ထိုအသက်တာကို နိစ္စထာဝရ ရရှိကြလိမ့်မည်။

သင်တို့အား ငါအမှန်ဆိုသည်ကား စပါးစေ့တစ်စေ့သည် မြေ၌ကျပြီးနောက် အပင်မပေါက်လျှင် တစ်စေ့တည်းသာရှိလိမ့်မည်။ သို့သော် အပင်ပေါက်လျှင်မူကား အသီးအနှံပေါင်းများစွာကို ဖြစ်ထွန်းစေတတ်၏။

ငါ့အား ယုံကြည်သမျှသောသူတို့သည် အမှောင်ထု၌ မနေစေခြင်းငှာ ငါသည်အလင်းဖြစ်လျက် ဤလောကသို့ကြွလာပြီ။

တစ်စုံတစ်ဦးသည် ငါ့စကားတို့ကိုကြားလျက် မစောင့်ထိန်းလျှင်လည်း ငါသည် ထိုသူအား ပြစ်ဒဏ်မစီရင်။ အကြောင်းမူကား ဤလောကကို ပြစ်ဒဏ်စီရင်ရန် ငါလာသည်မဟုတ်။ ဤလောကကို ကယ်တင်ရန် ငါလာ၏။

ထိုအချိန်၌ မာရိသည် အလွန်တန်ဖိုးကြီးသော နာဒုဖြင့်ပြုလုပ်ထားသည့် ဆီမွှေးတစ်ပုလင်းကိုယူ၍ ကိုယ်တော်ယေရှု၏ ခြေတော်အား သွန်းလောင်းကာ ဆံပင်ဖြင့်သုတ်လေ၏။ ထိုဆီမွှေးရနံ့သည်လည်း တစ်အိမ်လုံးကို ပြန့်နှံ့သွားလေ၏။

စွန်ပလွံပင်မှ အခက်များကို ကိုင်လျက် ကိုယ်တော်ကို ကြိုဆိုရန် ထွက်သွားကြကာ “ဟောရှဏ္ဏ၊ ဘုရားရှင်၏ဘုန်းတော်အားဖြင့် ကြွလာတော်မူသော အရှင်သည် မင်္ဂလာရှိပါပေ၏။ အစ္စရေးလူမျိုးတို့၏ရှင်ဘုရင်သည် မင်္ဂလာရှိပါပေ၏” ဟုကြွေးကြော်ကြလေ၏။

ထိုအခါ ကိုယ်တော်​သည် “လူ့သားတော်​ကို ဘုန်း​အသရေတော်ထင်ရှား​စေမည့်အချိန်ကျလာပြီ။