ဘုရားရှင်သည် ဘုန်းအသရေတော်ကြွယ်ဝသည်နှင့်အညီ မိမိ၏ဉာဏ်အလင်းတော်အားဖြင့် သင်တို့၏အတွင်းစိတ်ဝိညာဉ်အားကြံ့ခိုင်စေခြင်းငှာ တန်ခိုးစွမ်းရည်ကိုပေးသနားတော်မူရန် အကျွန်ုပ်ဆုတောင်းပါသည်။ သင်တို့၏ ယုံကြည်ခြင်းကြောင့် ယေရှုခရစ်တော်သည် သင်တို့၏စိတ်နှလုံးသားထဲ၌ ကိန်းဝပ်တော်မူရန် အကျွန်ုပ်ဆုတောင်းပါသည်။ သင်တို့သည် မေတ္တာတော်၌ အမြစ်တွယ်၍ ထိုမေတ္တာတော်သည် အလျား၊ အနံ၊ အမြင့်၊ အနက်တို့မည်မျှရှိသည်ကို ယုံကြည်သူအားလုံးနှင့်အတူနားလည် သဘောပေါက်နိုင်စွမ်းရှိစေရန်အကျွန်ုပ်ဆုတောင်းပါသည်။ ကိုယ်တော်၏မေတ္တာတော်အား မည်သည့်အခါမျှအပြည့်အဝနားလည်နိုင်မည်မဟုတ်သော်လည်း သင်တို့သည်ထိုမေတ္တာတော်ကိုသိရှိခံစား၍ ဘုရားရှင်၏ပြည့်စုံတော်မူခြင်းဖြင့် ပြည့်စုံလာကြစေရန်အကျွန်ုပ်ဆုတောင်းပါ သည်။