Populære bibelvers fra 1 Peter 2

Del

သင်တို့မူကား ရွေးကောက်ခံရသောလူ၊ တော်ဝင်ပုရောဟိတ်၊ မြင့်မြတ်သောလူမျိုး၊ ဘုရားရှင်ပိုင်ဆိုင်သော လူမျိုးဖြစ်သည်။ ထို့ကြောင့် သင်တို့အား အံ့ဖွယ်အမှုတော်များကို ကြွေးကြော်နိုင်စေရန် အမှောင်ထုမှ အံ့ဖွယ်ကောင်းသော အလင်းတော်သို့ ခေါ်ထုတ်တော်မူသည်။

ကျွန်ုပ်တို့၏အပြစ်ဒုစရိုက်များ ပြေပျောက်စေခြင်းငှာလည်းကောင်း၊ ဖြောင့်မတ်ခြင်းဖြင့်အသက်ရှင်နေထိုင်ရန် အလို့ငှာ ကိုယ်တော်သည် သူ၏ကိုယ်ခန္ဓာကိုကိုယ်တိုင် သယ်ဆောင်၍ လက်ဝါးကပ်တိုင်ပေါ်တွင် သူ၏အသက်ကိုစွန့်လွှတ်ခဲ့လေသည်။ သင်တို့သည် ယခင်က လမ်းလွဲသော သိုးသငယ်ကဲ့သို့ဖြစ်သော်လည်း ယခုအချိန်တွင် သင်တို့၏စိတ်ကို ထိန်းသိမ်းစောင့်ရှောက်သော သိုးထိန်းထံသို့ ပြန်ရောက်ကြပြီဖြစ်သည်။

တစ်ချိန်က သင်တို့သည် ဘုရားရှင်၏လူမျိုးမဟုတ်သော်လည်း ယခု သင်တို့သည် ဘုရားရှင်၏လူမျိုးဖြစ်ခဲ့ကြသည်။ ယခင်က သင်တို့သည် ဘုရားရှင်၏ကရုဏာကို မရရှိခဲ့ရသော်လည်း ယခုမူကား သင်တို့သည် ဘုရားရှင်၏ကရုဏာတော်များကို ခံစားကြရပြီ။

မွေးကင်းစကလေးငယ်များကဲ့သို့ ဝိညာဥ်ရေးဆိုင်ရာနို့ရည်အစစ်ကို လိုလားတောင့်တကြလော့။ သို့မှသာ သင်တို့သည် ကယ်တင်ခြင်းအား အပြည့်အဝခံစားရမည့်အချိန်တိုင်အောင် ကြီးထွားလိမ့်မည်။

ချစ်သောမိတ်ဆွေတို့၊ သင်တို့သည် ဤလောကတွင် ဧည့်သည်အဖြစ်ဖြင့်နေကြသည့်အတွက် သင်၏စိတ်ကိုဆန့်ကျင်တိုက်ခိုက်သော လူ့ဗီဇအလိုအားမလိုက်ရန် ကျွန်ုပ်တိုက်တွန်းသည်။ သင်တို့သည် ဘုရားရှင်အား မကိုးကွယ်သူများကြားတွင် ကောင်းမွန်စွာ ပြုမူနေထိုင်ကြလော့။ ထိုသို့ဆိုလျှင် ထိုသူတို့သည် သင်တို့အား မကောင်းမှုပြုသူများဟု ပုတ်ခတ်ပြောဆိုကြသော်လည်း သင်တို့၏ကောင်းသော အမှုတို့ကိုမြင်၍ ဘုရားရှင် ကြည့်ရှုစီရင်တော်မူသောနေ့၌ ကိုယ်တော်၏ဘုန်းတော်ကို ချီးမွမ်းကြလိမ့်မည်။

သင်တို့သည်လည်း ယေရှုခရစ်တော်အားဖြင့် ဘုရားရှင်နှစ်သက်တော်မူသော ဝိညာဉ်ရေးရာ ပူဇော်စရာများကို ပေးဆောင်သော မြင့်မြတ်သော ပုရောဟိတ်များဖြစ်ရန်အတွက် အသက်ရှင်သောကျောက်ကဲ့သို့ ဝိညာဉ်ရေးဆိုင်ရာအိမ်တော်အဖြစ် တည်ဆောက်ခြင်းအားခံကြလော့။

ထို့ကြောင့် သင်တို့သည် မကောင်းမှုဒုစရိုက်အမျိုးမျိုး ၊လှည့်စားမှုအမျိုးမျိုး ၊သူတော်ကောင်းယောင်ဆောင်မှုများ၊ မနာလိုမှုများ နှင့် ဆဲရေးတိုင်းထွာမှုများကို ပယ်ရှားလိုက်ပါ။

လူတို့၏ငြင်းပယ်ခြင်းအား ခံရသော်လည်း ဘုရားရှင်ရွှေးကောက်တော်မူသော အဖိုးတန်သောအရာအဖြစ် အသက်ရှင်သောကျောက်ဖြစ်သည့် ခရစ်တော်ထံသို့ သင်တို့လာကြသည်။

သင်တို့သည် လွတ်လပ်သူများကဲ့သို့ နေထိုင်ပြီး မကောင်းမှုပြုရန် ထိုလွတ်လပ်မှုကို ဆင်ခြေအဖြစ် အသုံးမချဘဲ ဘုရားရှင်၏အစေခံအဖြစ် ပြုမူနေထိုင်ကြလော့။

အကြောင်းမူကား သင်တို့သည် ကောင်းသောအမှုကို ပြုခြင်းအားဖြင့် မိုက်မဲသောသူတို့၏ အသိဉာဏ်ကင်းမဲ့မှုကို ငြိမ်ဝပ်စေရန် ဘုရားရှင် အလိုတော်ရှိတော်မူသည်။