Populære bibelvers fra 1 Corinthians 15

Del

ထိုကြောင့် အကျွန်ုပ်၏ညီအစ်ကိုမောင်နှမတို့၊ ကြံ့ခိုင်စွာရပ်တည်ကြလော့။ ဘုရားရှင်ထံမှမရွေ့လျားကြနှင့်။ ဘုရားရှင်အတွက်သင်တို့ထမ်းရွက်သမျှတို့သည်အချည်းအနှီးမဖြစ်ကြောင်းသင်တို့သိကြသည့်အတိုင်း ဘုရားရှင်၏အမှုတော်ကို အပြည့်အဝထမ်းရွက်ကြလော့။

သို့သော်ဘုရားရှင်၏ကျေးဇူးတော်ကိုချီးမွမ်းပါသည်။ ဘုရားရှင်သည်အကျွန်ုပ်တို့၏အရှင်ယေရှုခရစ်တော် မှတဆင့် အကျွန်ုပ်တို့အားသေခြင်းတရားကိုအောင်နိုင်စေခဲ့သည်။

သင်တို့ကို မည်သူမှမလှည့်စားစေနှင့်။ “မကောင်းသောအပေါင်းအသင်းသည် ကောင်းသောစာရိတ္တကို ပျက်ဆီးစေသည်” ဟုလူတို့ပြောကြသည်မှာမှန်ကန်ပေသည်။

သို့သော်လည်း ဘုရားရှင်၏ကျေးဇူးတော်အားဖြင့်သာ အကျွန်ုပ်သည် သာဝကဖြစ်လာရခြင်းဖြစ်သည်။ အကျွန်ုပ်အားပေးသောကျေးဇူးတော်ကိုအချည်းအနှီးမဖြစ်စေရန် အကျွန်ုပ်သည်အခြားသောသာဝကများထက် ပို၍ကြိုးစားလုပ်ဆောင်ရသည်။ ထိုသို့ဆိုသော်လည်း ဤသို့လုပ်ဆောင်နိုင်ခြင်းမှာ ငါ၏ကြိုးစားခြင်းကြောင့် မဟုတ်ဘဲ အကျွန်ုပ်နှင့်အတူရှိသော ဘုရားရှင်၏ ကျေးဇူးတော်သည်ကြောင့်သာဖြစ်သည်။

“အို သေခြင်းတရား၊ သင်၏အောင်မြင်ခြင်းသည်အဘယ်မှာနည်း။ အို သေခြင်းတရား၊ သင်၏အစွမ်းတန်ခိုးသည်အဘယ်မှာနည်း” ဟုသောကျမ်းချက်သည်မှန်ကန်လာလိမ့်မည်ဖြစ်သည်။ သေခြင်းတရားသည်အဆိပ်ကဲ့သို့ပင်အပြစ်ဒုစရိုက်ဖြစ်ပြီး အပြစ်ဒုစရိုက်သည်လည်း ပညတ်တရားမှတန်ခိုးကို ရရှိသည်။

နားထောင်ကြလော့။ သင်တို့မသိသောအရာတစ်ခုကိုအကျွန်ုပ်ပြောပြမည်။ အကျွန်ုပ်တို့အားလုံးသည်သေကြရ မည်မဟုတ်ဘဲ ပြောင်းလဲသွားကြလိမ့်မည်သာဖြစ်သည်။ နောက်ဆုံးသောတံပိုးကိုမှုတ်သောအခါ ၎င်းသည်မျက်စီတစ်မှိတ်အတွင်းလျင်မြန်စွာပြောင်းလဲသွားလိမ့် မည်ဖြစ်သည်။ အဘယ်ကြောင့်ဆိုသော် တံပိုးမှုတ်သောအခါကွယ်လွန်ပြီးသောသူများ ပြန်လည်ရှင်သန်ထမြောက် ကြမည်ဖြစ်ပြီး မည်သည့်အခါမှသေဆုံးတော့မည်မဟုတ်ဘဲ အကျွန်ုပ်တို့အားလုံးသည်ပြောင်းလဲခြင်းသို့ရောက်ကြ လိမ့်မည်ဖြစ်သည်။

သို့ဖြစ်၍ လူတို့ကြောင့်သေခြင်းတရားသည် တည်ရှိလာသကဲ့သို့ လူတို့ကြောင့်ပင်သေရာမှပြန်လည်ရှင်သန် ထမြောက်ခြင်းတရားရှိလာခြင်းဖြစ်သည်။ လူသားအားလုံးသည် အာဒံကြောင့်သေခြင်းသို့ရောက်ရသကဲ့သို့ ယေရှုခရစ်တော်ကြောင့် အသက်ပြန်လည်ရှင်သန်ထမြောက်ခြင်းကိုရရှိလိမ့်မည်ဖြစ်သည်။

အဘယ်ကြောင့်ဆိုသော် အကျွန်ုပ်တို့၏ပုပ်တတ်သောကိုယ်ခန္ဓာသည် မပုပ်တတ်သောကိုယ်ခန္ဓာအဖြစ်သို့ ပြောင်းလဲရမည်ဖြစ်ပြီး အကျွန်ုပ်တို့၏သေတတ်သောကိုယ်န္ဓာသည် မသေတတ်သောကိုယ်ခန္ဓာအဖြစ်သို့ပြောင်း လဲရမည်ဖြစ်သည်။

ယေရှုခရစ်တော်သည် ရန်သူအပေါင်းတို့ကို သူ၏ခြေဖဝါးတော်အောက်သို့ရောက်စေတော်မူသည့်အချိန် မတိုင်ခင်အထိအုပ်ချုပ်တော်မူလိမ့်မည်ဖြစ်သည်။ ယေရှုခရစ်တော်နောက်ဆုံးဖျက်ဆီးမည့်သူမှာ သေခြင်းတရားသာဖြစ်သည်။